مزید دیکھیں

مقبول

پاک افغان سرحد سے دراندازی کی کوشش ناکام، 54 خوارج ہلاک

سیکیورٹی فورسز نے پاک افغان سرحد سے خوارجیوں کی...

بجلی مزید سستی ہونے کا امکان

ماہانہ اور سہ ماہی ایڈجسٹمنٹ کی مد میں بجلی...

پی ایس ایل ، لاہور نے ملتان کو شکست دے دی

پاکستان سپر لیگ 10 کے سولہویں میچ...

پولیس اہلکاروں کو بچانے کی کوشش کی جارہی ہے،مقتول اسامہ ستی کے والد کی درخواست

پولیس اہلکاروں کو بچانے کی کوشش کی جارہی ہے،مقتول اسامہ ستی کے والد کی درخواست

باغی ٹی وی کی رپورٹ کے مطابق مقتول اسامہ ستی کے والد نے بیٹے کے قتل کی تحقیقاتی رپورٹس کے حصول کیلئے عدالت سے رجوع کر لیا

عدالت نے جے آئی ٹی اورجوڈیشل انکوائری رپورٹ کے حصول کی درخواست پرفریقین کو نوٹس جاری کر دیئے،چیف جسٹس اطہرمن اللہ نے آئی جی پولیس اورچیف کمشنرسمیت فریقین کو نوٹس جاری کر دیا،اسلام آباد ہائیکورٹ نے فریقین کو یکم مارچ تک تحریری جواب داخل کرانے کی ہدایت کر دی،

مقتول اسامہ کے والد نے درخواست دی کہ اسامہ کے قتل کی تحقیقات کیلئے جے آئی ٹی قائم کی گئی،چیف کمشنرنے ایڈیشنل ڈسٹرکٹ مجسٹریٹ کوجوڈیشل انکوائری کی ہدایت کی،جے آئی ٹی اورجوڈیشل انکوائری مکمل ہونے کے باوجود رپورٹس نہیں دی جارہیں،

درخواست میں مزید کہا گیا کہ ملوث گرفتار پولیس اہلکاروں کو بچانے کی کوشش کی جارہی ہے، جےآئی ٹی اورجوڈیشل انکوائری رپورٹس چالان کیساتھ منسلک کرنیکی ہدایات جاری کی جائیں عدالت نے ملزمان پر فرد جرم عائد کرنے کیلئے 5 مارچ کی تاریخ مقرر کر رکھی ہے

پولیس فائرنگ سے جاں بحق اسامہ سٹی کی پوسٹ مارٹم رپورٹ آ گئی،کتنی گولیاں لگیں؟

اسامہ ستی قتل کیس، وفاقی کابینہ کا اہم فیصلہ، وزیراعظم کا دبنگ اعلان

اسامہ ستی قتل کیس ، پولیس افسران ملزمان کو بچانے کے لیے سرگرم

مقتول اسامہ ستی کے والد نوید ستی کی مدعیت میں پانچ پولیس اہلکار ملزمان کے خلاف اسلام آباد کے تھانہ رمنا میں قتل اور دہشت گردی کی دفعات کے تحت مقدمہ درج ہے

اسلام آباد میں پولیس کی فائرنگ سے جا ں بحق ہونیوالے اسامہ ستی قتل کیس کی جوڈیشل انکوائری رپورٹ جاری کر دی گئی ہے،جوڈیشل کمیشن کی انکوائری رپورٹ میں اینٹی ٹیررازم اسکواڈ اسلام آباد کے اہلکاروں کو اسامہ ستی کے قتل کا ذمہ دار قرار دیا گیا ہے۔ جوڈیشل انکوائری رپورٹ میں پانچوں اہلکاروں کے خلاف دہشتگردی کی دفعات کے تحت مقدمہ چلانے کی سفارش کی گئی ہے۔

چیف کمشنر نے رپورٹ وزارت داخلہ میں جمع کرا دی، جوڈیشل انکوائری ایڈیشنل ڈپٹی کمشنر رانا محمد وقاص نے کی۔چیف کمشنر نے اس کیس کی ہائی کورٹ کے جج سے جوڈیشل انکوائری کرانے کی سمری بھی وزارت داخلہ کو ارسال کر دی۔ متعلقہ ایس پی اور ڈی ایس پی نے غیر ذمہ داری دکھائی، دونوں افسران کے خلاف کارروائی ہونی چاہیے، اسامہ ستی کیس پر عوامی ردِ عمل شدید تھا، ملزمان کے خلاف انسداد دہشت گردی ایکٹ کے تحت مقدمہ چلایا جائے۔

جس طرح تحقیقات کروانا چاہیں حکومت تیار ہے، شیخ رشید کا اسامہ ستی کے والد کو فون

رپورٹ میں یہ بھی کہا گیا ہے کہ اے ٹی ایس کمانڈوز کی تعیناتی ماہر نفسیات کی رائے اور کارکردگی کی بنیاد پر ہونی چاہیے، اے ٹی ایس اہل کاروں کو فورسز کے ساتھ کام کرنے کی اجازت نہیں ہونی چاہیے، اور ان کی خدمات ایس پی کی منظوری کے بغیر نہیں لی جانی چاہیے۔ وائرلیس ریکارڈ اہم ہوتا ہے، آئی جی نظام کی بہتری کے لیے اقدامات کریں، آئی جی اہل کاروں کو ہدایت دیں کہ سنسنی کی بجائے حقیقی تفصیل دیں، پولیس مانیٹرنگ کا نظام کمزور ہے، سینئر افسر کو صورت حال کا کنٹرول لینا چاہیے۔

واضح رہے 2 جنوری کو اسلام آباد جی ٹین میں اے ٹی ایس اہل کاروں کی فائرنگ سے کار سوار نوجوان 21 سالہ اسامہ ستی جاں بحق ہوگیا تھا۔ والد اسامہ ستی نے کہا کہ میرے بیٹے کو جان بوجھ کر گولیاں ماری گئیں، وفاقی پولیس نے قتل میں ملوث 5 اہل کاروں سب انسپکٹر افتخار، کانسٹیبل مصطفیٰ، شکیل، مدثر اور سعید کو قصور وار ثابت ہونے پر پولیس سروس سے برطرف کر دیا ہے،

ممتاز حیدر
ممتاز حیدرhttp://www.baaghitv.com
ممتاز حیدر اعوان ،2007 سے مختلف میڈیا اداروں سے وابستہ رہے ہیں، پرنٹ میڈیا میں رپورٹنگ سے لے کر نیوز ڈیسک، ایڈیٹوریل،میگزین سیکشن میں کام کر چکے ہیں، آجکل باغی ٹی وی کے ساتھ بطور ایڈیٹر کام کر رہے ہیں Follow @MumtaazAwan