لکی مروت میں دہشتگرد حملوں کیخلاف چند روز قبل ہونے والے دھرنے میں شرکت ڈی آئی خان کے پولیس اہلکاروں کو مہنگی پڑ گئی۔
باغی ٹی وی : ایس پی ایف آر پی ڈیرہ نے تصدیق کرتے ہوئے بتایا ہے کہ محکمہ پولیس ڈیرہ ایف آر پی کے چار اہلکاروں نے لکی مروت میں پولیس مخالف جلسے میں شرکت کی تھی، ملازمت سے برخواست کیے گئے اہل کاروں میں سلیم راوی، شفیع اللہ دانیال اور احسان اللہ شامل ہیں، احتجاجی دھرنے میں شرکت پر آئی جی خیبر پختونخوا کے احکامات پر ان اہلکاروں کے خلاف کارروائی کی گئی ہے۔
واضح رہے چند دن قبل لکی مروت میں پولیس پر دہشتگردوں کے حملوں کے خلاف پولیس اہلکاروں نے دھرنا دیا تھا جس میں کرک، بنوں اور ٹانک کے پولیس اہلکاروں نے بھی شرکت کی تھی۔
