سیالکوٹ :تھانہ بمبانوالہ کے علاقہ میں پولیس مقابلہ اے ایس آئی شہید

سیالکوٹ، باغی ٹی وی(سٹی رپورٹر شاہد ریاض)تھانہ بمبانوالہ کے علاقہ میں پولیس مقابلہ اے ایس آئی شہزاد احمد چیمہ شہید
سیالکوٹ سی آئی اے پولیس نے بمبانوالہ کے علاقہ موضع سکھر نہر قتل کے متعدد مقدمات میں مطلوب خطرناک ملزم اشتہاری لیاقت عرف چھوٹو ساکن بلوچی ضلع فیصل آباد کی گرفتاری کے لیے ریڈ کیا تو ملزم نے ساتھیوں کے ہمراہ پولیس ٹیم پر اندھا دھند فائرنگ کردی جس کی زد میں آکر اے ایس آئی شہزاد احمد چیمہ شدید زخمی ہوگیا جو زخموں کی تاب نہ لاتے ہوئے شہید ہو گیا ہے.

ایس انویسٹی گیشن ضیاء اللہ ڈی ایس پی ڈسکہ، ایلیٹ فورس و پولیس کی بھاری نفری کے ہمراہ موقع پر پہنچ چکے ہیں فرار ملزمان کی تلاش و گرفتاری کیلئے ناکہ بندی کردی گئی ہے.

ایس پی انویسٹی گیشن ضیاء اللہ نے کہا ہے کہ تمام وسائل کو بروئے کار لاتے ہوئے جلدازجلد ملزمان کو گرفتار کر کے قانون کے مطابق کیفرکردار تک پہنچایا جائے گا.

آئی جی پنجاب ڈاکٹر عثمان انور کا اس واقعہ کا نوٹس، آر پی او گوجرانوالہ سے رپورٹ طلب کرلی،آئی جی پنجاب کا واقعہ میں ملوث ملزمان کی فوری گرفتاری کا حکم،ملزمان کو جلد از جلد گرفتار کرکے قانون کے کٹہرے میں پیش کیا جائے-

پولیس ترجمان کے مطابق آئی جی پنجاب ڈاکٹر عثمان انور کا کہنا ہے کہ ملزمان کو قرار واقعی سزا دلوائی جائے گی،اے ایس آئی شہزاد چیمہ سی آئی اے سیالکوٹ میں تعینات تھا،اے ایس آئی شہزاد نے متعدد سنگین وارداتوں میں ملوث خطرناک اشتہاری ملزم لیاقت عرف چھوٹو کی گرفتاری کے لئے ریڈ کیا