شمالی وزیرستان:ضلعی پولیس سربراہ شمالی وزیرستان سلیم ریاض کی زیر صدارت ڈی پی او آفس میرانشاہ میں پولیس تنصیبات کی حفاظت اور انسداد پولیو مہم کی سیکورٹی صورتحال کے حوالے سے اجلاس ہوا۔اجلاس میں ایس پی انویسٹی گیشن محمد زمان ،ڈی ایس پی ہیڈکوارٹر سید جلال وزیر سمیت ضلع بھر کے ایس ڈی پی اوز و ایس ایچ اوز اور دیگر پولیس افسران کی شرکت کی۔
ضلعی پولیس سربراہ نے شرکاء کو پولیس تنصیبات کی سیکیورٹی انتظامات مزید بہتر کرنے اور انسداد پولیو مہم کے دوران ٹیموں کی سیکورٹی مزید مؤثر بنانے اور امن و امان کو برقرار رکھنے کے حوالے سے مناسب ہدایات دیے۔سلیم ریاض نے تمام پولیس افسران کو انسداد پولیو مہم کے دوران محکمہ صحت کی تمام ٹیموں کے ساتھ تعینات اہلکاران کو بلٹ پروف ہیلمٹ و جیکٹ کے استعمال کو یقینی بنانے اور شر پسند عناصر پر کڑی نظر رکھنے کی ہدایت کی۔
انہوں نے تمام پولیس افسران کو علاقے میں اپنی نقل و حرکت کو مزید مؤثر بنانے، جرائم پیشہ عناصر پر کڑی نظر رکھنے اور انسداد پولیو مہم کے اختتام تک ٹیموں کے ساتھ رہنے کی تاکید کی۔ کہا پولیس تنصیبات کی سیکیورٹی میں کوئی کسر نہ چھوڑی جائے۔ضلعی پولیس سربراہ سلیم ریاض کا کہنا تھا کہ غفلت و لاپرواہی کی ہرگز گنجائش نہ رکھیں۔ تاکہ شرپسند عناصر کی حوصلہ شکنی ہو اور وہ اپنے ناپاک عزائم میں کامیاب نہ ہو سکیں۔
