امن و امان کے صورتحال کو بہتر بنانے میں پولیس کے کردار کو کبھی فراموش نہیں کیا جا سکتا ،نگران وزیر اعظم

اسلام آباد میں پولیس کے سابق انسپکٹر جنرلز کی 7 ویں سالانہ کانفرنس سے خطاب کرتے ہوئے نگران وزیراعظم کا کہنا تھا کہ ہماری پولیس نے ملک کے جو قر بانیاں دی ہے انکو کھبی فراموش نہیں کیا جا سکتا ،ہمیں بہت سے چیلنجز درپیش ہیں، پولیس نے ملک میں امن کیلئے اہم کردار ادا کیا ہے
انوار الحق کاکڑ کا کہنا تھا کہ آئین کے تحت کوئی فرد یا گروہ پر تشدد کارروائیوں میں ملوث نہیں ہوسکتا، کوئی بھی معاشرہ افراتفری کا متحمل نہیں ہو سکتا، بدامنی کے خلاف قانون نافذ کرنے والے ادارے صف اول میں نظر آتے ہیں۔انہوں نے کہا کہ ہم محکمہ پولیس کے مقروض ہیں، پولیس کو اپنی ساکھ برقرار رکھنے کیلئے کوشش کرنی ہوتی ہے، ملازمت کی نوعیت جو بھی ہو ہمیں اپنا کام ایمانداری اور پوری لگن سے کرنا چاہیے، نرسنگ اور پولیس کے مقدس پیشوں کی حرمت کا خیال نہیں رکھا گیا۔
انہوں نے کہا کہ دہشت گردی کے خلاف جنگ میں 90 ہزار افراد شہید ہوئے۔نگران وزیراعظم کا مزید کہنا تھا کہ معاشرے میں بہتری کیلئے رویوں میں تبدیلی کی ضرورت ہے، ملک میں امن کیلئے سیاسی جماعتوں کو مل بیٹھ کر قانون سازی کرنی چاہیے۔