پولیس کی بڑی کاروائی، بچے کو اغوا کرنیوالے میاں بیوی گرفتار
![](https://baaghitv.com/wp-content/uploads/2019/08/crime-arrest-handcuffs-jpg.jpg)
پولیس کی بڑی کاروائی، بچے کو اغوا کرنیوالے میاں بیوی گرفتار
باغی ٹی وی کی رپورٹ کے مطابق راولپنڈی کی پوٹھوہار ڈویژن پولیس نے اہم اہم کاروائی کی ہے، نومولود مغوی بچہ بازیاب کروا کر میاں بیوی اغواء کار گینگ گرفتار کر لیا.
پنڈی پولیس کے ترجمان کے مطابق آراے بازار پولیس نے چند یوم قبل سرکاری ہسپتال کی پارکنگ سے اغواء ہونے والا 3 دن کا نومولود بچہ بازیاب کرلیا،مسماۃ سیدالورا کی مدعیت میں تھانہ آراے بازار میں اغواء کا مقدمہ درج ہوا تھا،
درخواست گزار نے کہا کہ طیبہ نامی عورت نے بچے کو ڈاکٹر سےچیک کرانے کے بہانے اغواء کیا، جس پر سی پی او راولپنڈی نے واقعہ کا نوٹس لیتے ہوئے ایس پی پوٹھوہار کو بچہ بازیاب کرنے اور ملزمان کی گرفتاری کا ٹاسک دیا، اے ایس پی کینٹ سرکل کامران حمید کے زیر نگرانی ایس ایچ او تھانہ آراے بازار آصف سجاد اور احمد یار ASI پر مشتمل خصوصی ٹیم تشکیل دی گئی، پولیس
ٹیم نےجدید سائنٹیفک طریقہ سے تفتیش کرتے ہوئے ملزم میاں بیوی کو گرفتار کیا گیا،ملزم کا تعلق ایبٹ آباد جبکہ بیوی کا تعلق اسلام آباد سے ہے، بچے کے مل جانے پر لواحقین نے راولپنڈی پولیس کی کاوشوں کو سراہتے ہوئے شکریہ ادا کیا،سی پی او راولپنڈی، ایس ایس پی انویسٹی گیشن، ایس پی پوٹھوہار کی موجودگی میں بچہ والدین کے حوالے کیا گیا