اسلام آباد ہائیکورٹ: علی محمد خان کے خلاف درج مقدمات کی تفصیلات فراہمی کی درخواست پر سماعت ہوئی
ایف آئی اے میں علی محمد خان کے خلاف کوئی مقدمہ درج نہیں، عدالت کو آگاہ کر دیا گیا ،پولیس نے مقدمات کی تفصیلات فراہمی کیلئے عدالت سے وقت مانگ لیا ،اسلام آباد ہائیکورٹ کے جسٹس میاں گل حسن اورنگزیب نے کیس کی سماعت کی،سرکاری وکیل نے کہا کہ پولیس کو مقدمات کی تفصیلات فراہمی کیلئے وقت دیا جائے، جسٹس میاں گل حسن اورنگزیب نے ریمارکس دیتے ہوئے کہا کہ مقدمات کی تفصیلات لے کر عدالت کو آگاہ کریں، عدالت نے پولیس کو وقت دینے کی استدعا منظور کرتے ہوئے سماعت ملتوی کر دی
خیال رہے کہ 9 جون کو علی محمد خان کو مردان کی انسداد دہشت گردی کی عدالت سے رہائی کے بعد اینٹی کرپشن کیس میں گرفتار کیا گیا تھا۔ یاد رہے کہ علی محمد خان پر غیر قانونی بھرتیوں اور خزانےکو 23 لاکھ روپے نقصان پہنچانےکا الزام ہے۔محکمہ اینٹی کرپشن کے مطابق علی محمد کی گرفتاری ترقیاتی سکیموں میں مبینہ خردبرد کے مقدمے میں کی گئی ہے جبکہ ایف آئی ار سال 2018 اور 2019 میں لوکل گورنمنٹ کے ٹھیکوں میں مبینہ خرد برد کے الزام میں درج کیا گیا ہے، ایف آئی ار میں سابق صوبائی وزیرعاطف خان اور سابق ایم پی اے طفیل انجم کو بھی نامزد کیا گیا ہے، محکمہ اینٹی کرپشن کا یہ بھی کہنا تھا دفتر لوکل گورنمنٹ اور اے ڈی لوکل گورنمنٹ فضل اللہ سمیت متعدد ٹھیکداروں بھی ایف آئی ار میں نامزد ہیں.
آئی سی سی ورلڈ کپ کا شیڈول جاری،پی سی بی کا بیان سامنے آگیا
ڈالر کی قیمت مزید نیچے آنے کا امکان
مہک ملک کی اداکاری میں اینٹری
استاد صحافت ڈاکٹر مہدی حسن سویلین کا فوجی ٹرائل، چیف جسٹس کیس پر فل کورٹ بینچ بنائیں، جسٹس یحییٰ آفریدی
