پشاور: پشاور پولیس نے اندرون شہر تحصیل پارک گور کھڑی علاقے سے نامناسب ویڈیوز بنا کر سوشل میڈیا پر وائرل کرنے والے معروف ٹک ٹاکر ‘ماصل’ کو ایک بار پھر گرفتار کر لیا ہے۔ پولیس کے مطابق ملزم پر مختلف دفعہ منشیات کے استعمال، لڑائی جھگڑے اور غیر اخلاقی ویڈیوز بنانے کے متعدد مقدمات پہلے سے درج ہیں اور وہ عادی مجرم کے طور پر ریکارڈ میں موجود ہے۔
پولیس ذرائع کے مطابق ماصل نے تحصیل پارک گور کھڑی میں متعدد بار ایسے نامناسب اور غیر اخلاقی ویڈیوز بنا کر انہیں مختلف سوشل میڈیا پلیٹ فارمز پر اپلوڈ کیا تھا، جس سے عوام میں شدید تشویش اور ناپسندیدگی پائی گئی۔ عوامی حلقوں نے اس قسم کی حرکتوں کی سخت مذمت کی اور قانون نافذ کرنے والے اداروں سے ملزم کے خلاف سخت کارروائی کا مطالبہ کیا۔پولیس نے مزید بتایا کہ ماصل کو تھری ایم پی او (مقامی قانون کے تحت) کے تحت جیل منتقل کر دیا گیا ہے تاکہ وہ آئندہ ایسے جرائم سے باز رہے۔ پشاور پولیس کا کہنا ہے کہ وہ ایسے عناصر کے خلاف بھرپور کارروائی جاری رکھے گی جو معاشرتی اقدار اور اخلاقیات کو نقصان پہنچاتے ہیں۔
