سیالکوٹ (باغی ٹی وی،بیوروچیف شاہدریاض) ڈی پی او سیالکوٹ رانا عمر فاروق نے وزیراعلیٰ پنجاب محترمہ مریم نواز کے ویژن کے مطابق تھانہ کوٹلی لوہاراں میں کھلی کچہری کا انعقاد کیا، جہاں بڑی تعداد میں شہریوں نے شرکت کی۔
نئے تعینات ہونے والے ڈی پی او سیالکوٹ رانا عمر فاروق نے مقدمات کے مدعیان اور شہریوں کی شکایات کو غور سے سنا اور موقع پر ہی ان کے مسائل کے حل کے لیے احکامات جاری کیے۔
اس موقع پر ان کا کہنا تھا کہ ہر سائل کی مکمل مدد اور انصاف فراہم کیا جائے گا اور کسی بھی قسم کی کوتاہی یا غفلت برداشت نہیں کی جائے گی۔ انہوں نے مزید کہا کہ پولیس اہلکاروں کو اپنی ڈیوٹی کو عبادت سمجھ کر اپنے فرائض سرانجام دینے چاہئیں۔
رانا عمر فاروق نے کھلی کچہری کے دوران پاکستان پریس کلب کوٹلی لوہاراں کے تمام صحافیوں کا شکریہ ادا کیا اور ان کے تعاون کو سراہا۔
