قصور
گنڈا سنگھ والا پولیس کی کارروائی، ساندہ پھاٹک سے شراب فروش گرفتار
تفصیلات کے مطابق تھانہ گنڈا سنگھ والا پولیس نے ایس ایچ او آصف جاوید خان کی زیر نگرانی گشت کے دوران بڑی کارروائی کرتے ہوئے ساندہ پھاٹک کے قریب سے شراب فروش کو رنگے ہاتھوں گرفتار کر لیا
اے ایس آئی عبدالغنی ہمراہ پولیس ملازمان، سید محمد اور انصب سلیم سرکاری گاڑی کے ذریعے گشت پر موجود تھا کہ مخبر خاص نے اطلاع دی کہ ایک شخص شراب کی کینی سمیت ساندہ پھاٹک پر رکشے کے انتظار میں کھڑا ہے
جس پر پولیس نے فوری ریڈ کیا تو ملزم پولیس کو دیکھ کر فرار ہونے کی کوشش کرنے لگا تاہم پولیس پارٹی نے گھیراؤ کر کے موقع پر ہی قابو کر لیا
گرفتار ملزم نے اپنا نام رفیق مسیح ولد حنیف مسیح سکنہ ساندہ پھاٹک بتایا
جس کے قبضے سے سفید پلاسٹک کی کینی برآمد ہوئی جس میں پچیس لیٹر دیسی شراب نکلی
ملزم عیسائی ہے تاہم ملزم شراب رکھنے کا کوئی اجازت نامہ پیش نہ کر سکا
برآمد شدہ شراب میں سے نمونہ PFSA تجزیے کیلئے الگ کر کے باقی شراب کو سربمہر کر کے قبضہ پولیس میں لے لیا گیا
پولیس نے ملزم کے خلاف انسدادِ منشیات ایکٹ کے تحت مقدمہ درج کر کے مذید تفتیش شروع کر دی ہے
