پاکستان میں پولیو وائرس کے پھیلاؤ میں مسلسل اضافہ ہورہا ہے، ملک بھر کے 8 اضلاع میں پولیو وائرس کی تصدیق ہوئی ہے۔
باغی ٹی وی کے مطابق ڈی آئی خان، چار سدہ، راولپنڈی، قمبر، جامشورو، قلعہ سیف اللہ، بارکھان، مستونگ سے سیوریج نمونے میں پولیو وائرس پایا گیا ہے۔ نیشنل انسٹی ٹیوٹ آف ہیلتھ میں پولیو کے خاتمے کے لیے قائم ریجنل ریفرنس لیبارٹری کے مطابق ملک کے 8 اضلاع سے جمع کیے گئے سیوریج نمونوں میں وائلڈ پولیو وائرس ون پایا گیا ہے۔قومی ادارہ صحت کے مطابق رواں برس ملک میں اب تک 63 کیسز رپورٹ ہوئے ہیں، جن میں سے سب سے زیادہ 26 کا تعلق بلوچستان سے ہے جب کہ خیبرپختونخوا سے 18، سندھ سے 17 اور پنجاب، اسلام آباد سے ایک، ایک کیس رپورٹ ہوا۔چارسدہ سے رواں سال سیوریج کے نمونوں میں پہلی بار مثبت کیس کی تصدیق ہوئی، پولیو وائرس کے ملک بھر میں تیزی سے پھیلاؤ نے ملک بھر میں بچوں میں ایسی خطرناک بیماری پھیلنے کا خطرہ ہے۔
کراچی میں موسم سرد اور خشک رہنے کا امکان
