وزیراعلیٰ سندھ کا پولیو ورکر سے مبینہ زیادتی کا نوٹس

جیکب آباد کے قریب پولیو سے بچاؤ کے قطرے پلانے والی خاتون سے مبینہ جنسی زیادتی کا واقعہ پیش آیا ہے۔

باغی ٹی وی کی رپورٹ کے مطابق وزیراعلیٰ سندھ مراد علی شاہ نے جیکب آباد کے گوٹھ اللہ بخش جکھرانی میں پولیو ورکر خاتون سے مبینہ زیادتی کا نوٹس لیتے ہوئے کمشنر اور ڈی آئی جی لاڑکانہ سے واقعے کی رپورٹ طلب کرلی .وزیراعلیٰ سندھ نے لیڈی پولیو ورکر کو مکمل تحفظ فراہم کرنے اور گرفتار ملزم کےخلاف تحقیقات مکمل کرکے رپورٹ دینے کی ہدایت کی ہے.پولیس کا کہنا ہے کہ خاتون ویکسینیٹر سے زیادتی کا واقعہ نواحی گاؤں اللّٰہ بخش جکھرانی میں پیش آیا، متاثرہ خاتون کو طبی امداد کے لیے جیمس اسپتال جیکب آباد منتقل کردیا گیا۔ڈپٹی کمشنر ظہور مری کا کہنا ہے کہ پولیو ورکز کے ساتھ زیادتی کی تصدیق میڈیکل رپورٹ آنے کے بعد ہوگی، خاتون شادی شدہ ہے، جسم پر زخم کے نشانات ہیں۔ظہور مری کا کہنا ہے کہ ملزم نے پہلے موبائل چھینا پھر خاتون کے ساتھ زیادتی کی، ہم پولیو ٹیم کا سیکیورٹی پلان کرتے ہیں، پہلے ایسا واقعہ پیش نہیں آیا۔

دوسری جانب چیف سیکریٹری سندھ نے کمشنر لاڑکانہ اور ڈی آئی جی لاڑکانہ سے رپورٹ طلب کرتے ہوئے ہدایت کی ہے کہ پولیو ورکرز کو ہر صورت تحفظ فراہم کیا جائے اور ملوث ملزمان کو فوری گرفتار کیا جائے۔

Comments are closed.