پرووینشل ڈیزاسٹر مینجمنٹ اتھارٹی (پی ڈی ایم اے) کا کہنا ہے کہ آئندہ 24 گھنٹوں میں پنجاب کے بیشتر اضلاع میں بارشیں متوقع ہیں۔
ترجمان پی ڈی ایم اے کے مطابق تربیلا، کالاباغ، چشمہ اور تونسہ کے مقام پر پانی کا بہاؤ نارمل ہے،دریائے چناب، جہلم، راوی اور ستلج میں پانی کا بہاؤ نارمل ہے، تربیلا ڈیم 96 فیصد اور منگلا ڈیم 62 فیصد تک بھر چکا ہے،گزشتہ 24 گھنٹوں کے دوران شمال مشرقی پنجاب،خطہ پوٹھوہار، اسلام آباد، کشمیر، بالائی خیبر پختونخوا ، گلگت بلتستان، ژوب اور ڈیرہ غازی خان میں تیز ہواؤں اور گرج چمک کے ساتھ بارش ( جبکہ چند مقامات پر موسلا دھار بارش) ہوئی ۔ملک کے دیگر علاقوں میں موسم گرم اور شدید حبس رہا۔
امریکی صدر کا غیر ملکیوں کو مردم شماری میں شامل نہ کرنے کا اعلان
سب سے زیادہ بارش پنجاب راولپنڈی (کچری 46، گوالمنڈی 41، چکلالہ 36، پیرودھائی 11، کٹاریاں 06، شمس آباد 04)، منگلا 34، منڈی بہاؤالدین 33، اٹک 20، کامرہ 17، جہلم 15،اسلام آباد (بوکرہ 19، ایئرپورٹ 14، گولڑہ 08، سید پور 07، سٹی 05)، گوجرانوالہ 09، سیالکوٹ (ایئرپورٹ 07، سٹی 04)، چکوال 05 ملی میٹر بارش ریکارڈ ہوئی،حافظ آباد 03، نارووال 02، لاہور ایئرپورٹ، مری 01،کشمیر: مظفرآباد (شہر 36، ایئرپورٹ 35)، گڑھی دوپٹہ 11،خیبرپختونخوا: مالم جبہ 20، رسالپور 09، بالاکوٹ 03، کالام 02، پٹن، کوہاٹ 01،بلوچستان: ژوب 04،گلگت بلتستان: استور میں 01 ملی میٹر بارش ریکارڈ ہوئی۔
گذشتہ روزریکارڈ کئے گئے زیادہ سےزیادہ درجہ حرارت : دالبندین 45،نوکنڈی 44، دادو،سبی اور بھکر میں 42 سینٹی گریڈ ریکارڈ کیا گیا۔
خاتون ہراسانی کیس،مونس علوی نے 25 لاکھ روپے جرمانہ عدالت میں جمع کرادیا
