پورا ضلع شدید ترین دھند و سموگ کی لپٹ میں،حادثات میں اضافہ

قصور
پرسوں سے ضلع قصور شدید ترین دھند و سموگ کی لپٹ میں،درجنوں حادثات ،سڑکوں پر The solid yellow line نمایاں نا ہونے سے حادثات،دیپالپور روڈ بیشتر مکامات سے زیر تعمیر ہونے کے باعث ڈبل ٹریفک سے حادثات کا خدشہ

تفصیلات کے مطابق پرسوں سے پورا ضلع قصور شدید سموگ و دھند کی لپٹ میں ہے خاص کر کل صبح سے کل رات دیر تک شدید دھند کا راج رہا اور حد نگاہ چند میٹر تک رہ گئی جس کے باعث بیشتر مکامات پر حادثات رونما ہوئے جس کی ایک بہت بڑی وجہ سڑکوں پر The solid yellow line یعنی پیلی پٹی کا نمایاں نا ہونا ہے
ضلع بھر کی سڑکیں اس وقت تقریباً ساری کی ساری ہی نئی بنی ہیں جو کہ بہت خوش آئند بات ہے مگر سڑکوں پر پیلی پٹی نمایاں نہیں ہے جس کی وجہ ہلکا اور غیر معیاری روغن کا استعمال ہے
نیز قصور دیپالپور روڈ تاحال بیشتر مقامات پر زیر تعمیر ہے جس کے باعث ان مقامات پر ڈبل ٹریفک چلتی ہے جس کی وجہ سے حادثات کا سخت خدشہ ہے
شہریوں کا کہنا ہے کہ سڑکوں پر نا صرف اعلی روغن سے پیلی پٹی نمایاں کی جائے بلکہ سڑکوں کے کناروں پر پلاسٹک سے بنے پیلے بائٹس لگائے جائیں جن پر روشنی پڑنے سے سڑک کا کنارا نظر جلد آتا ہے اور وہ موسمیاتی وجہ سے اپنی رنگت بھی نہیں خراب ہونے دیتے
نیز شدید دھند میں گنے و گندم کے بھوسے و دھان کی پرالی سے لدی ٹرالیوں کو سفر سے روکا جائے تاکہ حادثات میں کمی واقع ہو