وزیر اعلیٰ پنجاب مریم نواز کے آفیشل ایکس (سابقہ ٹویٹر) اکاؤنٹ سے ایک ذاتی نوعیت کی پوسٹ غلطی سے شیئر ہو گئی، جس نے سوشل میڈیا صارفین کے درمیان گہری بحث کو جنم دے دیا۔ یہ پوسٹ جس میں کیپشن "A.U.R.A” کے ساتھ ان کی تصویر شامل تھی، چند ہی منٹوں میں ہٹا دی گئی، مگر اس کا اسکرین شاٹ کافی حد تک وائرل ہو چکا تھا۔
سوشل میڈیا پلیٹ فارمز پر صارفین نے اس پر مختلف رائے دی۔ کچھ لوگوں نے اسے مریم نواز کی ذاتی غلطی قرار دیا، جب کہ دیگر نے اس کو ٹیم کی جانب سے کی گئی لاپروائی بتایا۔ کچھ حلقوں نے اس پوسٹ کو کسی خاص پیغام یا اشارے کے طور پر بھی لیا، جس پر مختلف قیاس آرائیاں سامنے آئیں۔ماہرین سوشل میڈیا کے مطابق، یہ غلطی سوشل میڈیا مینجمنٹ میں ایک عام انسانی غلطی ہے، سوشل میڈیا صارفین کے تبصرے اور جوابات میں طنز و مزاح کے ساتھ ساتھ سنجیدہ سیاسی تجزیے بھی شامل تھے، جنہوں نے اس واقعے کو ایک موقع کے طور پر استعمال کیا کہ مریم نواز اور ان کی ٹیم سوشل میڈیا پر مزید احتیاط کریں۔
