اسلام آباد: پیپلز پارٹی نے گزشتہ روز جے یو آئی چھوڑ کر پیپلزپارٹی میں شامل ہونے والے طلحہ محمود کو سینیٹ کا ٹکٹ جاری کر دیا-
باغی ٹی وی:سینیٹ انتخابات سے متعلق پیپلزپارٹی کی مرکزی رہنما فریال تالپور کی زیر صدارت اجلاس ہوا جس میں چیئرمین پیپلزپارٹی بلاول بھٹو زرداری کی خیبر پختونخوا کیلئے تشکیل دی گئی کمیٹی کے ممبران نے شرکت کی، اجلاس میں سید خورشید احمد شاہ، محمد علی باچا، شازی خان اور فیصل کریم کنڈی شریک تھے۔
پارٹی قیادت کی ہدایت پر فدا محمد خان اور قیضار خان میاں خیل پارٹی مفاد کی خاطر سینیٹ کے انتخابات سے دستبردار ہوگئے ، فدا محمد خان جنرل نشست اور قیضار خان میاں خیل ٹیکنوکریٹ کی نشست پر امیدوار تھے، پارٹی فیصلے کے مطابق طلحہ محمود جنرل نشست اور روبینہ خالد خواتین نشست پر امیدوار ہوں گی۔
