پیپلز پارٹی اکتوبر میں الیکشن دیکھ رہی، فیصل کریم کنڈی
وزیر مملکت اور سیکریٹری اطلاعات پاکستان پیپلزپارٹی فیصل کریم کنڈی نے پریس کانفرنس کرتے ہوئے کہا ہے کہ اسرائیل کا موقف پی ٹی آئی کے حوالے سے آیا ہے،جس طرح سے اسرائیل نے تحریک انصاف کا دفاع کیا ہے ماضی میں جب ہم اپوزیشن میں تھے ہم لوگوں کو یہ باتیں بتایا کرتے تھے لیکن اس وقت لوگ یہ نہیں مانتے تھے
فیصل کریم کنڈی کا کہنا تھا کہ پی پی پی ہمیشہ فلسطین کی آواز بنی ہے، سابقہ حکومت کے وزیر نے اسرائیل کا دورہ کیا، پی ٹی آئی نے نو مئی کو توڑ پھوڑ کی قومی تنصیبات کو نقصان پہنچایا ہے، سرحدوں کی حفاظت کرنے والے کیا سوچیں گے شہدا کے ساتھ نو مئی کو کیا ہوا، ملک میں سزا جزا کا کلچر رائج کرنا ہوگا، پی پی پی کا ورکرز فلسطین اور کشمیر کی کاز کے ساتھ کھڑا ہے، وزیر خارجہ بلاول بھٹو زرداری نے انڈیا میں کھڑے ہو کر کشمیر کی بات کی،اسرائیل کے پی ٹی آئی سے متعلق موقف پر پیپلز پارٹی کو تحفظات ہیں، ان ساری باتوں کے تانے بانے ملتے ہیں،
فیصل کریم کنڈی کا کہنا تھا کہ 9 مئی کے واقعات اور اسکے بعد جو کچھ ہوا وہ ہمارے شہیدوں کی توہین تھی، ہمارے شہیدوں کے خاندان فخر سے کہتے ہیں کہ ہمارے بیٹوں نے ملک کی خاطر جان دی، بارڈر پے کھڑے فوجی کو کیا پیغام دیا جا رہا ہے کہ کل آپ شہید ہوئے تو آپ کے مجسموں کے ساتھ کیا ہوگا ،سویڈن میں جو واقع ہوا اس کے خلاف وزیر خارجہ نے ہر ممکن اقدام اٹھایا، بھارت نے جب کشمیر میں کانفرنس بلائی وزیر خارجہ بلاول بھٹو زرداری نے اس کے خلاف احتجاج کیا، ہم ہمیشہ کہتے تھے کہ اس ملک کی سیاست میں بیرونی طاقتیں مداخلت کرتی ہیں، تکبر اور غرور کا انجام برا ہی ہوتا ہے، ایک شخص کہتا تھا کہ درخت کو کھڑا کروں گا تو اس کو بھی ووٹ پڑے گا، ہم نے دیکھا درخت تو دور انسان کو بھی نہیں پڑا، پیپلز پارٹی اکتوبر میں الیکشن دیکھ رہی ہے ہم ایک کرائسس سے نکل رہے ہیں، ہمارے دوست ممالک بھی ساتھ کھڑے ہوئے،پاکستان کی سیاست میں پہلی بار دیکھا کہ آئی ایم ایف کا وفد زمان پارک گیا، حکومت پاکستان کو مطلوب شخص اور ریاست پاکستان کے نزدیک مفرور شخص سے ملاقات کرنے آئی ایم ایف کا وفد گیا، اس پر وزارت داخلہ، ایف آئی اے کو ایکشن لینا چاہیئے،
پاکستان پیپلزپارٹی آزادی صحافت کی حمایت جاری رکھے گی۔
شرجیل میمن کا کہنا تھا کہ عمران خان رونا رو رہے ہیں کہ میرے ساتھ ظلم ہورہا ہے
Leave a reply
