ممبئی: اداکارہ سپنا گل کا کہنا ہے کہ بھارتی کرکٹر پرتھوی شاہ نے انہیں سینے اور بازو پر مارا تھا۔بھارتی کرکٹر پرتھوی شاہ پر حملے اور لڑائی جھگڑے کے مقدمے میں گرفتار اداکارہ سپنا گل نےعدالت میں پیش ہوکر بیان ریکارڈ کروا دیا۔
بھوجپوری اداکارہ نے عدالت میں بیان دیتے ہوئے کہا کہ پرتھوی شاہ نے انہیں مارا جبکہ معافی مانگتے ہوئے یہ بھی کہا ہے کہ پولیس میں شکایت مت کرنا اور پھر معافی مانگ کر وہاں سے چلے گئے۔
سپنا گل کا عدالت میں کہنا تھا کہ ’مجھے پرتھوی شاہ نے بازو اور سینے پر مارا تھا ہم پولیس کی مدد کیلئے وہاں موجود رہے پرتھوی اپنے سات آٹھ دوستوں کے ساتھ تھے جبکہ ہم صرف دو تھے‘۔
Kalesh B/w Prithvi Shaw And Influencer Sapna Gill on Roadpic.twitter.com/QI88XpqHuX
— Ghar Ke Kalesh (@gharkekalesh) February 16, 2023
پرتھوی کے ساتھ سیلفی بنوا نے کے حوالے سے اداکارہ کا کہنا تھا کہ وہ پرتھوی شاہ کو نہیں جانتی نہ انہوں نے کبھی انہیں دیکھا تھا اور انہوں نے سیلفی لینے کا نہیں کہا تھا۔
اداکارہ نے پرتھری شاہ پر شراب نوشی کا الزام لگاتے ہوئے کہا کہ ’وہ شراب کے نشے میں دھت تھے، پولیس سٹیشن کے سامنے کھڑے ہونے کے باوجود بھی وہاں ایف آئی آرنہیں کٹوائی کیونکہ وہ نشے میں تھے، اس وجہ سے اُنہیں یہ خیال نشہ اُترنے کے بعد آیا‘۔
@PrithviShaw and his friend drove off, Fans chased the car, intercepted it at a traffic signal near Oshiwara and broke the windshield the complaint said.#PrithviShaw #IndianCricketTeam pic.twitter.com/kfHK3CYPVz
— Amit Sahu🇮🇳 (@amitsahujourno) February 16, 2023
سپنا گل نے معاملے کو ختم کرنے کے لئے 50 ہزار روپے مانگنے کے الزام کو بھی مسترد کر دیا ساتھ ہی اداکارہ نے بتایا کہ وہ پرتھوی شاہ سے پہلے ہی ہوٹل کے وی آئی پی لاؤنج میں دوست کے ہمراہ پارٹی کر رہی تھیں جس کے بعد یہ ناخوشگوار واقعہ پیش آیا۔ عدالت نے سپنا گِل کو 20 فروری تک پولیس کے حوالے کر دیا ہے۔
خیال رہے کہ بدھ کے روز بھارتی کرکٹر پرتھوی شاہ پر مشتعل افراد کی جانب سے حملہ کیا گیا تھا جس میں بھوجپوری اداکارہ سپنا گل ملوث پائی گئی تھیں زیرِ حراست اداکارہ پر دوستوں کے ہمراہ پرتھوی شاہ پر حملہ کرنے اور ان کی گاڑی کو نقصان پہنچانے کا الزام ہے واقعے کی ویڈیوز سوشل میڈیا پر بھی وائرل ہوئی تھیں۔
