آئی پی ایل کے اختتام پر پریتی زنٹا کا مداحوں کے لئے جذباتی پیغام

بالی وڈ کی ماضی کی معروف اداکارہ اور ڈمپل گرل پریتی زنٹا نے سوشل میڈیا پر مداحوں کے لیے انڈین پریمئر لیگ (آئی پی ایل) کے اختتام پر پیغام جاری کیا ہے۔

باغی ٹی وی : بھارتی اداکارہ نے سماجی رابطے کی ویب سائٹ انسٹاگرام پر ایک تصویر شیئر کی ہے جس میں 4 لڑکیاں سر جھکائے اور سر پر کیپ رکھے بیٹھی ہیں ان چاروں کی کیپ پر ’KXIP‘ لکھا ہوا ہےجس کا مطلب کنگز الیون پنجاب (Kings XI Punjab) ہے جو کہ آئی پی ایل میں پریتی زنٹا کی ٹیم ہے۔

انسٹاگرام پر شیئر کردہ تصویر کے کیپشن میں اداکارہ نے لکھا کہ آئی پی ایل اور دبئی کو الوداع کہنے کا وقت آگیا ہے جس مقصد کے ساتھ ہم آئے تھے وہ تو پورا نہیں ہوا لیکن ہم ایک مرتبہ پھر بڑے، بہتر اور مضبوط ہو کر واپس آئیں گے۔

اداکارہ نے لکھا کہ بہت سارے سنسنی خیز، دل کو دہلا دینے والے اور اچھے، برے لیکن یادگار لمحات کے ساتھ واپسی ہورہی ہے۔ میں کنگز الیون پنجاب کے تمام مداحوں کو شکریہ ادا کرنا چاہتی ہوں کہ وہ ہمارے ساتھ کھڑےہوئے اور ہمارے اچھے اور برے میں ساتھ دیا۔

پوسٹ کے آخر میں پریتی زنٹا نے مختلف ہیش ٹیگ گڈ بائے، آئی پی ایل 2020، ڈریم 11 آئی پی ایل اور ہمارا پنجاب استعما ل کئے-

واضح رہے کہ انڈین پریمئر لیگ (آئی پی ایل ) میں ایک ٹیم’کنگز الیون پنجاب‘ بھارتی اداکارہ پریتی زنٹا کی ہے-

جواب چھوڑیں

آپ کا ای میل ایڈریس شائع نہیں کیا جائے گا.