اسلام آباد (محمداویس)وزارت آبی وسائل نے دریا ئےسندھ پر پانچ ڈیم وہائیڈروپاور بنانے کی تیاری مکمل کرلی ڈیم میں کالا باغ ڈیم3600میگاواٹ ،ہائیڈروپاور میں داسو ایچ پی پی2160میگاواٹ ،پاٹن ایچ پی پی 2400میگاواٹ ،تاکوٹ ون ٹو تری 4714 میگاواٹ اور بنجی ایچ پی پی 7100میگاواٹ شامل ہیں ۔ وفاقی سیکرٹری نے کمیٹی کو بتایا کہ ڈیڈھ کروڑ آبادی سیلاب کے علاقے میں رہتی ہے،سینیٹرز نے کہاہے کہ کالاباغ ڈیم دفن ہوگیا ہے اس پر مزید بات نہیں ہوگی ۔
سینیٹ کی قائمہ کمیٹی برائے آبی وسائل کا اجلاس چیئرمین شہادت اعوان کی زیر صدارت پارلیمنٹ ہاوس میں ہوا اجلاس میں فیصل سلیم رحمان، ہمایوں مہمند اور پنجو بیل نے شرکت کی ۔سیکرٹری آبی وسائل نے کمیٹی کو بتایا کہ وزارت آبی وسائل میں کل ویکنسی 135ہیں جن میں سے 102پر ملازمین کام کررہے ہیں افسران کی 38 میں سے 20 فل ہیں جبکہ 18 خالی ہیں ملازمین کی 97آسامیوں میں سے 82 کام کررہے ہیں باقی خالی ہیں ۔نیشنل واٹر پالیسی سی سی آئی نے منظور کی ہوئی ہے دیامر بھاشا ڈیم 15.72فیصد،مہمند ڈیم 33.53فیصد، گریٹر کراچی بلک واٹر (کے فور)47.07 فیصد ،کچی کنال 95.76فیصد نئی کج ڈیم 44.18 داسو ہائیڈرو پر 21.86فیصد کام مکمل ہوگیا ہے ،دیامر بھاشا ڈیم 650ارب کی لاگت ہےجبکہ 4500میگاواٹ بجلی پیدا ہوگی اور فروری 2029 میں مکمل ہوگا ،مہمند ڈیم کی لاگت 309ارب ہے جبکہ اس سے 800میگاواٹ بجلی پیدا ہوگی اور دسمبر 2025 میں مکمل ہوگا ، گریٹر کراچی بلک واٹر (کے فور)کی لاگت 23ارب ،کچی کنال کی لاگت 23ارب نئی کج ڈیم کی لاگت 46.98ارب اوراس سے 4.2میگاواٹ بجلی پیدا ہوگی اور جون 2026 کو مکمل ہوگا ۔داسو ہائیڈرو سے 2160 میگاواٹ بجلی پیدا ہوگی ۔وزارت آبی وسائل نے مالی سال 2023-24میں 18 منصوبے مکمل کئے جن کی لاگت 603ارب روپے سے زائد تھی پانی کے 15منصوبے پر 54 ارب روپے خرچ ہوئے ہائیڈرو پاور کے 3 منصوبون پر 549ارب روپے خرچ ہوئے پانی کی سٹوریج کیپسٹی 74144ایکڑ فٹ کا اضافہ ہوا پانی ذخیرہ کرنے کے علاقے میں 11735ایکڑ اضافہ ہوا جبکہ 2379میگاواٹ بجلی کا اضافہ ہوا ہے ۔
ہمایوں مہمند نے کہاکہ کالا باغ ڈیم پر آخری بار کب بات ہوئی ہے سائنسی بنیادوں پر ہونےوالی ریسرچ کیا کہتی ہے ۔.سینیٹرپنجو بیل نے کہاکہ ایجنٍڈے میں کالا باغ ڈیم کا ذکر نہیں ہے اس پر بات نہیں ہونی چاہیے ہم اس پر حساس ہیں ۔ سکردو میں کالا باغ ڈیم بنا لیں ۔پیپلزپارٹی کے سینیٹر کی مخالفت پر کالا باغ ڈیم پر سیکرٹری نے جواب نہیں دیا ۔ سینیٹر فیصل سلیم رحمان نے کہاکہ ڈیم ہم بنارہے ہیں اس کے ساتھ بجلی کے پلانٹ لگارہے ہیں کیا ہمیں اتنے بجلی کی ضرورت ہے اس سے خرچہ زیادہ آتاہے ۔ سیکرٹری نے کہاکہ بجلی کی ڈیمانڈ کم ہے مگر جو یہ شروع ہوئے تھے اس وقت بجلی کی ڈیمانڈ زیادہ تھی اس لیے یہ منصوبے مکمل کرنے ہیں درمیان میں روک نہیں سکتے ہیں ۔حکام نے بتایا کہ ہائیڈرل بجلی سستی پڑتی ہے ۔ وفاقی سیکرٹری نے کہاکہ پانی جتنا پہلے آتا تھا اب بھی اتنی ہی آرہاہے آبادی بڑھنے کی وجہ سے فی کس پانی کم ہوجاتا ہے ۔
پنجو بیل نے کہاکہ کچے میں سندھ کا پانی چوری ہورہاہے اس کو روکیں حکام نے بتایاکہ سندھ میں بارشوں کی وجہ سے سیلاب آیا ہے دریا میں زیادہ پانی آنے سے ایسا سیلاب نہیں آیا ہے ۔ عمرکوٹ کے پانی کا مسئلہ حل ہو گیا ہے نکاسی اب سب سے بڑا مسئلہ ہے اس پر کام کرنا پڑے گا ۔ حکام نے بتایا کہ عطاآباد جھیل سے 54 میگاواٹ بجلی بنانے کے لیے بجلی گھر بنانے کا منصوبہ ہے منصوبے پر 21ارب 24کروڑ روپے سے زائد کی لاگت آئی گی ۔ عطاآباد جھیل کے آگے ایمرجنسی کا نظام لگادیا گیا ہے ۔سیکرٹری نے بتایا کہ پاکستان کی ڈیڑھ کروڑ آبادی سیلاب کے علاقوں میں رہتی ہے دستیاب دستاویزات کے مطابق وزارت آبی وسائل نے دریا سندھ پر پانچ ڈیم و ہائیڈروپاور بنانے کی تیاری مکمل کرلی ڈیم میں کالا باغ ڈیم3600میگاواٹ ،ہائیڈروپاور میں داسو ایچ پی پی2160میگاواٹ ،پاٹن ایچ پی پی 2400میگاواٹ ،تاکوٹ ون ٹو تری 4714 میگاواٹ اور بنجی ایچ پی پی 7100میگاواٹ شامل ہیں۔سینیٹر حاجی ہدایت اللہ نے کہا کہ کالا باغ ڈیم کا معاملہ دفن ہوچکا ہے اس پر بات نہیں ہونی چاہیے تین صوبوں نے اس کے خلاف قراردادیں منظور کی ہے ۔
ایک نمبر کا بدمعاش اور تلنگا ڈاکٹر ریاض،دہشتگردوں سے تعلق،ایجنسیوں پر الزام
پی آئی اے کا جنازہ ہے،ذرا دھوم سے نکلے،مرحوم کیلیے بہت دعائیں
ثابت ہو گیا حسنہ واجد بھارت کی "کٹھ پتلی” تھی.مبشر لقمان
190 ملین پاؤنڈ کیس،عمران کے گلے کا پھندہ،واضح ثبوت،بچنا ناممکن
فیض حمید جیو نیوز کو بند کرنا چاہتے تھے،پی ٹی آئی ٹوٹ پھوٹ کا شکار،اگلا چیئرمین کون
ماہ رنگ بلوچ کون،دو نمبر انقلاب اور بھیانک چہرہ
پاکستان کی بدترین شکست،ڈریسنگ روم میں لڑائی،محسن نقوی ناکام ترین چیئرمین
جنرل عاصم منیرنے ڈنڈا اٹھا لیا، فیض حمید گواہ،اب باری خان کی
