اسلام آباد: صدر مملکت آصف زرداری او ر مولانا فضل الرحمان نے چین کے سفارت خانے کا دورہ کیا-
باغی ٹی وی : صدرِ پاکستان نے بشام میں دہشت گرد حملے میں چینی شہریوں کی ہلاکت پرحکومت کی جانب سے تعزیت کا اظہار کیا کہا دشمن یہ قبول نہیں کر سکتے کہ پاک چین دوطرفہ تعلقات مزید مضبوط ہو رہے ہیں، پاکستان میں مختلف منصوبوں پر کام کرنے والے چینی شہریوں کی سیکیورٹی یقینی بنانے کیلئے تمام ضروری اقدامات لیے جائیں گے، یہ واقعہ پاک چین دوستی کے دشمنوں کی طرف سے ترتیب دیا گیا تھا، پاکستانی قوم چینی عوام کے غم میں برابر کی شریک ہے، دکھ کی اس گھڑی میں پاکستانی عوام چینی عوام کے ساتھ کھڑے ہیں۔
چینی سفیر چیانگ زئے دونگ نے تعزیت کے لیے ذاتی طور پر سفارت خانے کا دورہ کرنے پر صدر مملکت کا شکریہ ادا کیا، چینی سفیر نے انسداد ِدہشت گردی میں تعاون بڑھانے ،پاکستان میں چینی کارکنوں کو تحفظ فراہم کرنے کی ضرورت پر زور دیا اور پاکستان کے ساتھ تعاون مزید مضبوط بنانے، سی پیک سمیت دیگر منصوبوں کیلئے حمایت جاری رکھنے کے چینی عزم کا اعادہ کیا اور کہا کہ دہشتگرد انسانیت کے دشمن ہیں، بے گناہ لوگوں کو نشانہ بنانے پر پکڑنے کی ضرورت ہے۔
چین کا پاکستان سے دہشت گردانہ حملے کی جلد از جلد جامع تحقیقات …
دوسری جانب جےیوآئی کےسربراہ مولانافضل الرحمن بھی چینی سفارتخانہ پہنچے اور چینی سفیر سے ملاقات کی، مولانافضل الرحمن نے ملاقات میں چینی شہریوں کے جاں بحق ہونے پر اظہار افسوس کیا، دونوں رہنماؤں نے امن وامان سمیت دیگرمعاملات پرگفتگو بھی کی۔
