مہنگائی کیخلاف پریس کلب کے باہر احتجاجی مظاہرہ

قصور، پاکستان فلاح پارٹی کا مہنگائی کیخلاف پریس کلب کے باہر احتجاجی مظاہرہ

تفصیلات کے مطابق قصور پریس کلب کے باہر حکومت کے خلاف مظاہرہ کیا گیا، مظاہرے میں سیاسی و مذہبی جماعتوں طلبا و تاجر تنظیموں کے رہنماؤں اور کارکنان نے شرکت کی، مظاہرین نے بینر اور کتبے اٹھا رکھے تھے جن پر حکومت مخالف نعرے درج تھے

مظاہرے سے سابقہ کونسلر چوہدری مظفروارثی ، جنرل سیکرٹری فیصل حبیب خاں ایڈووکیٹ قصور سٹی کے صدر چوہدری محمود الہی چشتی نائب صدر ڈاکٹرجمیل نصیروی سنئیرنائب صدر ڈاکٹرنعیم شیخ جنرل سیکرٹری ڈاکٹرلیاقت علی ڈاکٹرشفاقت ، مرکزی سیکرٹری اطلاعات پی ایف پی عطاءمحمد قصوری نے خطاب کیا جبکہ مقررین کا کہنا تھا کہ موجودہ حکومت نےپیٹرولیم مصنوعات سمیت دیگر اشیاء آٹا چینی گھئی سبزیوں سمیت ہر شعبہ ہائے زندگی میں بدترین مہنگائی کی ہے حکومت عوام دشمن پالیسی بند کرے اور غریب آدمی کیلئے اشیاء ضروریات زندگی سستا کرے

یہ حکومت مہنگائی روکنے میں بری طرح ناکام ہوچکی ہے جبکہ حکومت کی نااہلی کے باعث عام آدمی سے لے کر سفید پوش طبقہ بھی شدید اضطراب کا شکار ہے جب کہ نااہل حکمران سب اچھا کی رٹ لگا رہے ہیں