گوجرانوالہ، باغی ٹی وی (نامہ نگار محمد رمضان نوشاہی ) ضلعی انتظامیہ گوجرانوالہ،وزیر آباد کا پرائس کنٹرول ایکٹ کے تحت کریک ڈاؤن جاری،وزیر اعلیٰ پنجاب مریم نواز شریف کے احکامات اور ڈپٹی کمشنرگوجرانوالہ،وزیر آباد محمد طارق قریشی کی ہدایات پر اسسٹنٹ کمشنرز،پرائس کنٹرول مجسٹریٹس نے 27 ہزار 149 کاروائیاں کیں اور 685 خلاف ورزیوں پر 26 لاکھ 32 ہزار روپے کے جرمانے عائد ، 105 گرفتار ، 11 مقدمات کا اندراج اور 55 گوداموں ودکانوں کو سیل کردیا گیا ۔
تفصیلات کے مطابق ضلع گوجرانوالہ کے پرائس مجسٹریٹس نے یکم مارچ سے اب تک کی رپورٹ کے مطابق 22 ہزار 799چھاپہ مار کاروائیاں کی گئیں، ان کاروائیوں کے دوران مہنگے داموں اشیائے خورونوش فروخت کرنے والوں کو22لاکھ 61 ہزار روپے کے جرمانے عائد کیے گئے، 10 افراد کے خلاف مقدمات کا اندراج کروایا اور 103 افراد کو حوالہ پولیس کرتے ہوئے گرفتار کیا اور 33 دکانوں اور گودام وغیرہ کو سیل کیا گیا۔
ضلع وزیر آباد کی رپورٹ کے مطابق 4 ہزار 350 کاروائیاں کیں خلاف ورزیوں پر 05 لاکھ 71 ہزار روپے جرمانہ ، 01 مقدمہ ، 02 گرفتار اور 22 گوداموں ودکانوں کو سیل کردیا گیا ۔
پرائس کنٹرول مجسٹریٹس نے اشیائے ضروریہ کی مہنگے داموں فروخت کے حوالے سے درجنوں اشیائے ضروریہ کی ارزاں نرخوں پر فروخت کو ہر صورت یقینی بنایا جائے گا اس سلسلہ میں شہری ضلعی انتظامیہ کے ساتھ تعاون کریں اور جہاں کہیں بھی مہنگے داموں اشیائے ضروریہ کی فروخت ہو تو فوری نشاندہی کرتے ہوئے شکایات درج کروائیں
ڈپٹی کمشنر محمد طارق قریشی نے کہا کہ ماہ رمضان میں تمام اسسٹنٹ کمشنرز/پرائس کنٹرول مجسٹریٹس سستے آٹے کی دستیابی، مصنوعی مہنگائی اور ناجائز منافع خوری کی روک تھام اور دیگر غیر قانونی سرگرمیوں میں ملوث افراد کیلئے فیلڈ میں متحرک رہیں اور روزانہ کی بنیاد پر چھاپہ مارکاروائیاں کریں، صارفین کی جیبوں پر ڈاکہ ڈالنے والوں کو قانون کے شکنجے میں لائیں تاکہ صارفین کے حقوق کا تحفظ ممکن بناتے ہوئے مصنوعی مہنگائی کے جن کو قابو کیا جا سکے۔
انہوں نے کہا کہ افسران ذمہ داریوں کو ایمانداری اور خلوص نیت سے سرانجام دیں اورعوام کو درست داموں پر بنیادی اشیاء خورد نوش کی فراہمی کے لیے پوری طرح متحرک رہیں۔
انہوں نے کہا کہ مصنوعی مہنگائی کا باعث بننے والے کسی بھی فرد کے ساتھ کوئی رعائیت نہ بڑتی جائے ان کے خلاف قانونی کارروائی عمل میں لائی جائے
