سیالکوٹ، باغی ٹی وی( بیوروچیف شاہد ریاض سے) ڈپٹی کمشنر محمد ذوالقرنین نے ضلع سیالکوٹ میں اشیاء خوردونوش کی قیمتوں کا از سر نو تعین کر دیا ہے ،
ضلعی پرائس کنٹرول کمیٹی کی سفارشات کی روشنی میں مقررہ نرخوں کے مطابق باسمتی چاول سپر نیا کی قیمت 240 روپے کلو مقرر کی گئی ہے ، چاول اری 70 روپے کلو، دال چنا موٹی 235 روپے کلو، دال چنا باریک 218 روپے کلو، دال مسور موٹی 285 روپے کلو، دال ماش دھلی 500 روپے کلو، دال ماش بغیر دھلی 470 روپے کلو، دال مونگ دھلی 275 روپے کلو،
اسی طرح کالے چنے موٹے 235 روپے کلو، سفید چنا موٹا 280 روپے کلو، بیسن 230 روپے کلو، دودھ 155 روپے لٹر، دہی 160 روپے کلو،چھوٹا گوشت 1600 روپے کلو، بڑا گوشت 800 روپے کلو، روٹی 100 گرام 15 روپے، نان 120 گرام کی قیمت 20 روپے مقرر کی گئی ہے ۔
نوٹیفکیشن کے مطابق 20 کلو گرام آٹے کے تھیلے ، گھی، چینی کی قیمت حکومت پنجاب کی پالیسی کے مطابق ہوگی جبکہ پھلوں ،سبزیوں، چکن اور انڈے کی قیمت کا تعین روزانہ کی بنیاد پر مارکیٹ کمیٹی کرے گی ۔
ڈپٹی کمشنر محمد ذوالقرنین نے پرائس کنٹرول مجسٹریٹس کو ہدایت کی کہ مقررہ قیمتوں پر عملدرآمد یقینی بنائیں جبکہ کسی بھی شکایت کی صورت میں شہری اے سی سیالکوٹ کے فون نمبر 0529250790، اے سی ڈسکہ کو فون نمبر 0529200115، اے سی سمبڑیال کو فون نمبر 0526524032 اور اے سی پسرور کے فون نمبر 0526443566 پر شکایت کر سکتے ہیں
