وزیرِ اعظم کا پاک فضائیہ کی ائیربیس کا دورہ
وزیرِ اعظم شہباز شریف نے معرکہ حق میں دفاع وطن کے دوران بھارتی طیاروں کو تباہ کرکے پاکستان کی فضائی برتری قائم کرنے والے پاک فضائیہ کے شاہینوں سے ملاقات کیلئے کامرہ ائیربیس کا دورہ کیا ہے۔رپورٹ کے مطابق وزیرِ اعظم نے اکیسویں صدی کی سب سے طویل فضائی جھڑپوں میں سے ایک میں دشمن کی برتری کی خوش فہمی کو خاک میں ملانے والے پاک فضائیہ کے شاہینوں سے ملاقات کی۔
نائب وزیرِ اعظم و وزیرِ خارجہ محمد اسحاق ڈار، وزیرِ دفاع خواجہ آصف، آرمی چیف جنرل سید عاصم منیر، ائیر چیف مارشل ظہیر احمد بابر سدھو، وزیر منصوبہ بندی احسن اقبال، وزیرِ اطلاعات و نشریات عطاء اللہ تارڑ اور اعلی سول و عسکری قیادت بھی وزیرِ اعظم کے ہمراہ موجود تھی۔
اس موقع پر وزیراعظم شہباز شریف کا کہنا تھا کہ 10 مئی کو ایک ہی گونج اٹھی کہ پاکستان نے جنگ اپنی مہارت سے جیتی. پاکستان نے بھارت کے 5 نہیں 6 جہاز گرائے،رافیل گرنے کو مودی قیامت تک یاد رکھے گا،جس طرح ابابیلوں نے ہاتھیوں کو مات دی تھی اسی طرح جے ایف 17 تھنڈر نے رافیل کو مار گرایا، میں اپنی اور 24 کروڑ عوام کی جانب سے آپ کو مبارک باد دینے آیا ہوں،ہمارے شاہینوں نے دشمن پر جھپٹ کر دن میں تارے دکھا دیئے۔اس جنگ میں پاکستان نے صبر و تحمل کا دامن ہاتھ سے نہیں چھوڑا۔بہت سوچ سمجھ کر دشمن کو جواب دیا۔پاکستان نے 84 ڈرونز اور ایک ہیرون یواے وی مار گرایا، پاکستان نے دشمن کی فوجی تنصیبات کو تاک تاک کر نشانہ بنایا، دشمن کو پیغام دے دیا ہے کہ دوبارہ میلی آنکھ سے دیکھا تو پیروں تلے روند دیا جائے گا 10 مئی کو پاکستان نے خطے کے نام نہاد تھانیدار کا بت پاش پاش کر دیا۔
وزیراعظم شہباز شریف کا مزید کہنا تھا کہ بلوچستان میں جعفر ایکسپریس کے واقعے میں بھارت ملوث ہے ،وعدہ کرتا ہوں پاکستان کو قائد اعظم کا پاکستان بنائیں گے ، مقبوضہ کشمیر کے عوام کو اقوام متحدہ کی قرار دادوں کے مطابق حق دینا ہو گا، قوم ائیر چیف کے کردار کو سنہری حروف میں یاد رکھے گی،
