پشاورہائیکورٹ نےگاڑیوں پر محکموں اور پروفیشنلز کی نمبر پلیٹ لگانے پر پابندی عائد کردی ۔
باغی ٹی وی :پشاور ہائیکورٹ کی جانب سے جاری منشیات کیس کا تحریری فیصلہ جسٹس اشتیاق ابراہیم نے تحریر کیا، جس میں لکھا گیا ہے کہ سرکاری نمبر پلیٹ کے علاوہ محکموں، پروفیشنل یا کوئی بھی پرائیویٹ نمبر پلیٹس کو گاڑیوں سے ہٹایا جائے گا بہت سے کیسز میں مشاہدے میں آیا کہ منشیات کی اسمگلنگ کے لئے ڈیپارٹمنٹ، پروفیشنل اور پرائیوٹ نمبرز پلیٹ کی گاڑیاں استعمال ہوتی ہے ،9 ستمبر کو بھی مردان میں پولیس نے گاڑی پکڑی جس کی نمبر پلیٹ ممبر پشاور ہائی کورٹ بار ایسوسی ایشن( APL 2023-KPk) کے نام سے تھی –
الیکٹرک سکوٹرز کیلئے مینوفیکچرنگ اور بیٹری سوئیپنگ نیٹ ورک کا قیام
پشاور ہائی کورٹ نے مختلف محکموں اور پروفیشنلزکی نمبر پلیٹ لگانے پر پابندی عائد کرتے ہوئے حکومت کو ایسی نمبر پلیٹ لگانے والوں کے خلاف قانون کے مطابق کارروائی کا حکم دے دیاعدالت کے مطابق قانون نافذ کرنے والے اداروں کی نظر سے بچنے کے لیے اسمگلر ہیلتھ ڈپارٹمنٹ، لائرز، جوڈیشری، پولیس اور ایکسائز وغیرہ کی نمبر پلیٹ استعمال کرتے ہیں آفیشل ہوں یا پرائیویٹ تمام افسران وہی نمبر پلیٹ لگائیں گے جو حکومت کی طرف سے الاٹ کی گئی ہو-
آٹے،چاول ،چینی اور گھی کی قیمت میں اضافہ
عدالت نے حکم دیا کہ ایڈیشنل رجسٹرار ہائی کورٹ فیصلے کی کاپی چیف سیکرٹری، آئی جی پولیس، سیکرٹری ایکسائز، ڈائریکٹر پراسیکیوشن، رجسٹرار ہائی کورٹ اور سیکرٹری کے پی بارکونسل ارسال کریں۔
