پروفیسر اسٹینلے والپرٹ
23 دسمبر یوم پیدائش
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آغا نیاز مگسی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنوبی ایشیا کی مستند تاریخ کے حوالے سے اتھارٹی تصور کیے جانے والی شخصیت امریکی ماہر تعلیم، محقق اور مصنف اور اسکالر پروفیسر اسٹینلے والپرٹ 23 دسمبر 1927 کو امریکہ میں پیدا ہوئے۔ انہیں جنوبی ایشیا کی تاریخ سے گہری دلچسپی تھی چنانچہ برطانوی حکومت نے انہیں ہندوستان آ کر تحقیق کرنے کی پیشکش کی جس پر وہ ہندوستان آ گئے ۔
اسٹینلے نے ہندوستان کی تاریخ کے علاوہ جنوبی ایشیا کی اہم ترین سیاسی شخصیات مہاتما گاندھی ، قائد اعظم محمد علی جناح ، جواہر لال نہرو اور ذوالفقار علی بھٹو کی سوانح حیات پر مبنی کتابیں تحریر کیں ۔ پاکستان میں قائد اعظم کے بارے میں ان کی تصنیف ” جناح آف پاکستان ” بہت مشہور ہوئی جبکہ ہندوستان پر برطانوی تسلط کے آخری دور کے اہم واقعات پر مبنی ان کی کتاب "شیم فل فلائیٹ ” کو بین الاقوامی سطح پر بہت زیادہ شہرت حاصل ہوئی۔ پروفیسر اسٹینلے والپرٹ کی 7 مارچ 2019 میں وفات ہوئی۔
