فرانس کے دارالحکومت پیرس میں تاریخی مقام ایفل ٹاور کے سامنے کشمیر بلیک ڈے کے موقع پر بھارتی حکومت کے غاصبانہ اقدامات اور غیر قانونی تسلط کے خلاف زبردست احتجاجی مظاہرہ کیا گیا۔
مظاہرے میں پاکستانی اور کشمیری کمیونٹی کی بڑی تعداد نے شرکت کی، جبکہ فضا آزادی کشمیر کے نعروں سے گونجتی رہی۔شرکاء نے ہاتھوں میں کشمیر کے پرچم، بینرز اور پلے کارڈز اٹھا رکھے تھے جن پر بھارتی مظالم کے خلاف اور کشمیری عوام کے حقِ خودارادیت کے حق میں نعرے درج تھے۔مظاہرین کی جانب سے مسلسل “مودی ٹیررسٹ”، “انڈیا ٹیررسٹ”، “ہم کیا چاہتے؟ آزادی” اور “لے کے رہیں گے آزادی” کے نعرے لگائے گئے۔
مقررین نے اپنے خطابات میں کہا کہ 27 اکتوبر 1947ء تاریخ کا سیاہ دن ہے، جب بھارت نے کشمیر پر غیر قانونی قبضہ کیا تھا۔ ان کا کہنا تھا کہ آج بھی کشمیری عوام بھارتی ظلم و جبر کے خلاف اپنی جدوجہدِ آزادی بہادری سے جاری رکھے ہوئے ہیں۔مقررین نے عالمی برادری سے مطالبہ کیا کہ وہ بھارت کے مظالم کا نوٹس لے اور اقوامِ متحدہ کی قراردادوں کے مطابق کشمیریوں کو ان کا حقِ خودارادیت فراہم کرے۔احتجاج کی قیادت کشمیری و پاکستانی کمیونٹی کے سرکردہ رہنماؤں نے کی، جبکہ کمیونٹی کے مختلف طبقہ ہائے فکر کے نمائندے بھی بڑی تعداد میں شریک ہوئے۔
دہشت گردوں کے مالی وسائل ختم کرنا ضروری ہے ،اسلامی فوجی اتحاد
سندھ میں ڈینگی کیسز کی تعداد 1083 ، کراچی سب سے زیادہ متاثر
امریکا پاکستان کے ساتھ تعلقات میں وسعت کا خواہاں ہے: مارکو روبیو
دہشت گردوں کی سرپرستی ناقابلِ قبول، استنبول مذاکرات میں پاکستان کا دوٹوک پیغام
