ٹھٹھہ : جعلسازی سے زمین کی ملکیت تبدیل کرنے پرزمین کے اصل مالکان کا کاغذات کیساتھ محکمہ ریونیو کیخلاف احتجاج

ٹھٹھہ،باغی ٹی وی( نامہ نگار راجہ قریشی)جعلسازی سے زمین کی ملکیت تبدیل کرنے پرزمین کے اصل مالکان کا کاغذات کیساتھ محکمہ ریونیو کیخلاف احتجاج
تفصیل کے مطابق تعلقہ ٹھٹھہ کی یوسی جھمپیر کے کوہستان 7/1 مکان انھواری کے گاؤں نبی بخش ببر کے رہاشیوں نے مکلی میں اپنے زمین کے کاغذات ہاتھوں میں لیکر ریونیو محکمہ ٹھٹھہ کے عملداروں کے خلاف سخت احتجاجی مظاہرہ کیا – مظاہرین وڈیرو نبی بخش ببر ۔عبدالغور ۔دینار امیر بخش مہتاب، رحمت اللہ ببر نے صحافیوں سے بات چیت کرتے ہوئے کہا کہ ہماری زمینیں انھواری مکان میں 5 سو ایکڑ کے قریب ہیں جس میں ہمارا قدیمی گاؤں پانچ گھروں پر شامل ہے ان زمینوں کے ہمارے پاس فارم 7 سمیت تمام کاغذات موجود ہیں انہوں نے انکشاف کرتے ہوئے کہا ڈی سی آفس ٹھٹھہ کے ریونیو محکمہ کی عملداروں نے ملی بھگت کرکے بڑی رشوت کے عوض ہماری زمین سے 375 ایکڑ زمین KPK کے رہائشی فتح اللہ کنڈی کے نام جعلی کاغذات کے ذریعے منتقل کی جارہی ہے جس کا بوگس جوڈیشنل آڈر بھی نکلنے والا ہے جوکہ ہمارے ساتھ بڑی ناانصافی ہے جس کے خلاف نیب ایف آئی اے ہائی کورٹ وغیرہ میں جائیں گے انہوں نے کہا کہ ہمارے ساتھ اتنی بڑی ناانصافی ہونے پر بھی ڈی سی ٹھٹھہ سمیت منتخب نمائندے بھی خاموش ہیں انہوں نے بالا حکام سے مطالبہ کیا ہے کہ رشوت خور بوگس کھاتے بنانے والے ریونیو محکمہ سمیت ڈی سی آفس ٹھٹھہ کے عملے کے خلاف سخت کارروائی کی جائے اور ہماری زمینیں بچاکر ہمارے ساتھ انصاف کیا جائیے