گوجرخان : پی ٹی آئی کااحتجاجی مظاہرہ جی ٹی روڈ پر دھرنا

باغی ٹی وی گوجرخان، ٹھٹھہ (نمائندگان )ہفتہ کی شام پاکستان تحریک انصاف گوجرخان کی جانب سے چیئرمین پی ٹی آئی عمران خان پرقاتلانہ حملے کے خلاف ایک احتجاجی مظاہرہ کیا گیا مظاہرین نے جی ٹی روڈ بندکردی مظاہرے کی قیادت مقامی ایم پی اے چوہدری جاوید کوثر سابق ایم پی اے راجہ طارق کیانی نے کی مظاہرے میں مقامی پی ٹی آئی رہنما جو شامل تھے ان میں فرخ سیال شہزادہ خان راجہ سہیل کیانی ایڈووکیٹ ربنواز قریشی راجہ عبدالغفور کیانی راجہ فیصل کیانی آور دیگر رہنما شامل تھے مظاہرین نے حکومت کے خلاف شدید نعرے بازی کی اور عمران خان پرقاتلانہ حملے پر سخت احتجاج کرتے ہوئے وفاقی حکومت سے فوری مستعفی ہونے کا مطالبہ کیا اس موقع پر مقامی رہنماؤں نے خطاب بھی کیا جی ٹی روڈ پر احتجاج کے باعث سڑک بر ٹریفک کی روانی متاثر ھوئی گوجرخان چوک پہنچ کر مظاہرین نے سڑک پر دھرنا دے دیا

اُدھرٹھٹھہ نامہ نگار نے رپورٹ دی ہے کہ عمران خان کے قتل کی کوشش کے خلاف آصف راجڑنےاپنے ردعمل میں کہا کہ میرے قائد عمران خان کو کچھ ہوا تو کرپٹ امپورٹڈ حکومت کو اس کا خمیازہ بھگتنا پڑے گا، یہ درآمد شدہ حکومت کا شرمناک عمل ہے انہوں نے ایک بار پھر اصل چہرہ دکھا دیا،آصف راجڑ نے کہا کہ عمران خان اور دیگر زخمیوں کی جلد صحت یابی کے لیے دعا گو ہوں