متحدہ عرب امارات نے غزہ میں محصور فلسطینیوں کیلئے پینے کے صاف پانی کی مستقل فراہمی کا بڑا انتظام کر لیا ہے، جس سے روزانہ پانچ سے سات لاکھ فلسطینیوں کو فائدہ پہنچے گا۔
غزہ اور مصر کی سرحد پر واقع رفح کے قریب قائم اماراتی ڈیسیلینیشن پلانٹس سے پینے کے پانی کی فراہمی کا عمل شروع کر دیا گیا ہے۔ اماراتی حکام کے مطابق، اس منصوبے کے تحت روزانہ تقریباً 20 لاکھ گیلن صاف پانی غزہ بھیجا جائے گا، جو شدید قلت کا شکار لاکھوں فلسطینیوں کیلئے زندگی کی نئی امید ہے۔حکام نے بتایا کہ 6.7 کلومیٹر طویل پائپ لائن کے ذریعے رفح فلسطین سے خان یونس تک پانی پہنچایا جائے گا، جس کا مقصد تباہ حال واٹر نیٹ ورک کی بحالی اور متاثرہ علاقوں کو مستقل فراہمی کو یقینی بنانا ہے۔
ذرائع کے مطابق، اسرائیلی بمباری اور سخت ناکہ بندی کے باعث غزہ کی 85 فیصد سے زائد پانی کی لائنیں تباہ ہو چکی ہیں، جس کے باعث لاکھوں افراد پینے کے صاف پانی سے محروم ہو گئے تھے۔رفح کے قریب حالیہ دنوں میں نئی پائپ لائنز بچھائی گئی ہیں جبکہ تباہ شدہ نظام کی مرمت کا کام بھی جاری ہے۔اماراتی نیوز ایجنسی ’وام‘ کے مطابق یہ تمام اقدامات متحدہ عرب امارات کی غزہ امدادی مہم "آپریشن الفارس الشہم 3” کے تحت کیے جا رہے ہیں، جب کہ فضائی امداد کے لیے "طیور الخیر” سروس کو بھی دوبارہ فعال کر دیا گیا ہے۔
عمران خان کی ضمانت کی 8 اپیلیں کل سماعت کیلئے مقرر
