الیکشن کمیشن آف پاکستان نے سندھ اسمبلی کے حلقہ پی ایس 9 شکارپور میں ضمنی انتخاب کا شیڈول جاری کر دیا ہے۔
یہ نشست پیپلز پارٹی کے سینئر رہنما اور سابق اسپیکر سندھ اسمبلی آغا سراج درانی کے انتقال کے بعد خالی ہوئی تھی۔الیکشن کمیشن کے مطابق پولنگ 14 دسمبر کو منعقد ہوگی، جبکہ امیدوار 3 سے 5 نومبر تک کاغذاتِ نامزدگی جمع کرا سکیں گے۔
ابتدائی امیدواروں کی فہرست 6 نومبر کو جاری کی جائے گی، اور کاغذات کی جانچ پڑتال 11 نومبر کو ہوگی۔
نوٹیفکیشن کے مطابق کاغذاتِ نامزدگی کی حتمی فہرست 23 نومبر کو جاری کی جائے گی، جب کہ امیدوار 24 نومبر تک اپنے کاغذات واپس لے سکیں گے۔الیکشن کمیشن نے مزید بتایا کہ امیدواروں کو 25 نومبر کو انتخابی نشان الاٹ کیے جائیں گے۔
افغان ٹرانزٹ ٹریڈ کی مرحلہ وار بحالی ، کسٹمز نے طریقہ کار جاری کر دیا
