پاکستان سپر لیگ 8 کی ٹرافی رونمائی کل ہوگی

پاکستان سُپر لیگ کے آٹھویں ایڈیشن کے لیے نئی ٹرافی متعارف کرانے کا فیصلہ کیا گیا ہے جس کی رونمائی کل ہو گی۔

باغی ٹی وی: ذرائع کے مطابق پی ایس ایل ٹرافی رونمائی کی تقریب شالیمار باغ میں ہوگی،پی ایس ایل 6 اور 7 کے فاتح کو دی گئی ٹرافی کا ڈیزائن تبدیل کر دیا گیا ہے،نئی ٹرافی کو پہلے سے زیادہ دیدہ زیب بنانے کی کوشش کی گئی ہے،پی ایس ایل 8 کی فاتح ٹیم کو نئے ڈیزائن والی ٹرافی پیش کی جائیگی-

اس حوالے سے ذرائع کا کہنا ہے کہ ٹرافی کے اسٹار کو 24 قیراط سونے سے تیار کیا گیا ہے پاکستان کرکٹ بورڈ کی منیجمنٹ کمیٹی کے چیئرمین نجم سیٹھی ٹرافی کی رونمائی کریں گے۔

ذرائع کے مطابق پی سی بی نے پی ایس ایل 8 کے اینتھم کے لیے گلوکار بھی فائنل کرلیے ہیں-