لاہور: پاکستان سپر لیگ (پی ایس ایل) 9 کی افتتاحی تقریب لاہور میں کرائے جانے کا امکان ہے-
باغی ٹی وی : اسپورٹس ذرائع کے مطابق میگا لیگ کا پہلا مرحلہ لاہور اور ملتان جبکہ دوسرا مرحلہ راولپنڈی اور کراچی میں شروع ہوگاپی ایس ایل فائنل کی میزبانی اس بار کراچی کو ملنے کا امکان ہے جبکہ پی ایس ایل کی گورننگ کونسل لیگ کی تاریخوں میں بھی ردوبدل کررہی ہےلیگ کا آغاز جنرل الیکشن سے ایک ہفتہ بعد کیا جائے گا ممکنہ طور پر پی ایس ایل 9 کا آغاز 17 فروری سے ہوگا۔
اسپورٹس ذرائع کے مطابق تاریخوں اور وینیوز کی حتمی منظوری پی ایس ایل کے گورننگ کونسل کے اجلاس میں ہوگی پی سی بی پاکستان سپر لیگ گورننگ کونسل کا اجلاس جنوری کے پہلے ہفتے میں بلاسکتا ہے۔
پی ٹی وی کا پاک، آسٹریلیا ٹیسٹ سیریز کے دوران جوئے کی کمپنی کے لوگو …
واضح رہے کہ ملک میں ممکنہ عام انتخابات کے انعقاد کی وجہ سے پاکستان سپر لیگ کے نویں سیزن کا شیڈول تبدیل کردیا گیا ہے ملک میں عام انتخابات کی وجہ سے پی ایس ایل شیڈول میں تبدیلی کی گئی ہے، نئے شیڈول کے تحت پی ایس ایل 9 کی افتتاحی تقریب 13 فروری کو لاہور جبکہ فائنل 19 مارچ 2024 کو کراچی میں کھیلا جائے گا اس سے قبل پی ایس ایل 9 کے آغاز کی تاریخ 8 فروری مقرر کی گئی تھی تاہم الیکشن کمیشن کی جانب سے انتخابات کی تاریخ بھی اسی روز مقرر کی گئی ہے جس کے باعث انتظامیہ نے شیڈول تبدیل کیا ہے۔
