پی ایس ایل نویں سیزن کا فائنل آج ملتان سلطانز اور اسلام آباد یونائیٹڈ کے درمیان کھیلا جائے گا،
فائنل میچ آج رات کراچی کے نیشنل بینک ارینا اسٹیڈیم میں کھیلا جائے گا، دونوں ٹیمیں ٹائٹل کے لیے مقابلہ کریں گی،اسلام آباد نے دو مرتبہ ٹرافی جیتی ہے، ملتان سلطانز کے حصے میں یہ ٹائٹل ایک مرتبہ آیا ہے،ملتان سلطانز پہلے کوالیفائر میں پشاور زلمی کو شکست دے کر فائنل میں پہنچی تھی جب کہ اسلام آباد نے ایلیمینیٹر 1 میں کوئٹہ کو ہرایا اور پھر ایلیمینیٹر 2 میں پشاور سے فتح چھینی اور فائنل تک رسائی کرنے میں کامیاب ہوئی۔
فائنل میں پہنچنے والی دونوں ٹیموں کے کپتانوں محمد رضوان اور شاداب خان نے کراچی پورٹ ٹرسٹ کی تاریخی عمارت کے سامنے ٹرافی کے ساتھ تصاویر بنوائیں ہیں، پی ایس ایل فائنل کے لئےکرکٹ کے مداح پرجوش ہیں، فائنل کے موقع پر سیکورٹی کے سخت انتظامات کئے جائیں گے،
