پاکستان اسٹاک ایکسچینج میں مسلسل مثبت رجحان کے بعد مندی کا رجحان ریکارڈ کیا گیا، انڈیکس میں بڑی کمی دیکھنے میں آئی۔
کاروباری ہفتے کے تیسرے روز اسٹاک مارکیٹ میں کاروبار کا مثبت آغاز ہوا تاہم تھوڑی دیر بعد کاروبا منفی زون میں چلا گیا جس کے بعد 100 انڈیکس میں 988 پوائنٹس کی کمی دیکھی گئی جس سے انڈیکس ایک لاکھ 32 ہزار414 پوائنٹس پر ٹریڈ کرتے دیکھا گیا۔
واضح رہے گزشتہ روز اسٹاک مارکیٹ میں اتار چڑھاؤ کا رجحان رہا، جب مارکیٹ نے منافع اور خسارے کے درمیان جھولتے ہوئے دن کے اختتام پر 1 لاکھ 33 ہزار 403.19 پوائنٹس پر معمولی 33 پوائنٹس یا 0.02 فیصد اضافے کے ساتھ بندش حاصل کی تھی تاہم انڈیکس بڑے اضافے کیساتھ ملکی تاریخ کی بلند ترین سطح پر بند ہوا تھا گزشتہ ہفتے کاروبار مثبت زون میں رہنے سے سرمایہ کاروں کو اربوں روپے کا فائدہ پہنچا تھا۔
ماہرین کے مطابق حالیہ گراوٹ کی ممکنہ وجوہات میں مالیاتی پالیسی، عالمی مارکیٹس میں غیر یقینی صورتحال، اور سیاسی عدم استحکام شامل ہو سکتے ہیں سرمایہ کار فی الحال احتیاطی رویہ اختیار کیے ہوئے ہیں اور بڑی خریداری سے گریز کر رہے ہیں۔
