انسداد دہشتگردی عدالت اسلام آباد نے علی نواز اعوان، جمشید محبوب مغل اور پی ٹی آئی چیئرمین کو 11 جولائی 2023 کو طلب کر لیا ہے۔
باغی ٹی وی : اس ضمن میں انسداد دہشت گردی عدالت اسلام آباد نے نوٹس جاری کیا،عدالتی نوٹس میں کہا گیا ہے کہ آپ کو ہدایت کی جاتی ہے کہ 11 جولائی بوقت 9 بجے صبح عدالت پہنچیں،عدالت نے اسد عمر، عامر محمود کیانی اور منیر احمد کو بھی گیارہ جولائی کو صبح 9 بجے طلب کر لیا ہے۔
ان تمام افراد کو مختلف مقدمات میں انسداد دہشت گردی عدالت نمبر 1 اسلام آباد میں طلب کیا گیا ہےاسلام آباد پولیس کی جانب سے چالان جمع کروانے پر عدالت نے چیئرمین پی ٹی آئی کو کل دوبارہ طلب کر لیا ہے انسداد دہشتگردی عدالت کے سابقہ جج راجہ جواد عباس حسن نے چیئرمین پی ٹی آئی کی ضمانت کنفرم کی تھی،چیئرمین پی ٹی آئی کو 5مقدمات میں طلب کیا گیا ہے۔
منی لانڈرنگ کیس: وزیراعظم شہباز شریف کے صاحبزادے سلیمان شہبازسمیت دیگر بری
واضح رہے کہ چیئرمین پی ٹی آئی عمران خان کے خلاف کیسز کی سماعت کی جوڈیشل کمپلیکس منتقلی کا نوٹیفکیشن جاری کیا گیا عمران خان کے کیسز کی جوڈیشل کمپلیکس منتقلی کا نوٹیفکیشن چیف کمشنر آفس سے جاری کیا گیا ہے نوٹیفکیشن کے مطابق چیئرمین پی ٹی آئی عمران خان کے خلاف آج 8 کیسز کی سماعت جوڈیشل کمپلیکس جی الیون میں ہوگی جس میں تھانہ ترنول اور تھانہ شہزاد ٹاؤن میں درج 2،2 مقدمات کی سماعت جوڈیشل کمپلیکس میں ہوگی،تھانہ کراچی کمپنی،کوہسار، رمنا اورسیکرٹریٹ میں درج ایک ایک مقدمےکی سماعت بھی جوڈیشل کمپلیکس میں ہوگی اسلام آباد کی مختلف عدالتوں میں آج چیئرمین پی ٹی آئی کے خلاف 11 کیسز سماعت کے لیے مقرر ہیں-