وفاقی وزیر ہوا بازی خواجہ آصف نے امریکا کیلئے جلد پروازیں شروع کرنے کا عندیہ دے دیا ،کہابرطانیہ کیلئے پروازوں کی اپروول بہت اہم بریک تھرو ہے۔ 25 اکتوبر کو اسلام آباد سے مانچسٹر پہلی پرواز جارہی ہے، مزید نجی ایئرلائنز کی بھی برطانیہ فلائٹس میں دلچسپی ہے۔
خواجہ آصف کا کہنا تھا کہ پی ٹی آئی دور حکومت میں ایوی ایشن انڈسٹری میں بہت تباہی کا شکار ہوئی، امریکا کی براہ راست پروازوں کے حوالے سے مثبت پیشرفت سامنے آئی ہے، امید ہے امریکا کیلئے پروازوں کی اجازت بھی مل جائے گی قومی ایئرلائن کی نجکاری اب چند ہفتوں کی بات ہے، نجکاری کے بعد قومی ایئرلائن کے بیڑے میں نئے جہازوں کی شمولیت ہوگی، نئے جہاز بیڑے میں شامل ہونے کے بعد چین، یورپ سمیت ایسٹ میں بھی پروازیں چلاسکتے ہیں، قومی ایئرلائن کی نجکاری کی وجہ سے مزید سرمایہ کاری نہیں کرنا چاہتے، ہماری حکومت نے ریگولیٹری سائیڈ پر جو رکاوٹیں تھیں وہ ختم کروادی ہیں۔
