تحریکِ انصاف کے کارکنوں اور اسلام آباد پولیس کے درمیان منگل کی صبح اسلام آباد میں جھڑپیں ہوئی ہیں۔
پی ٹی آئی کے مظاہرین اسلام آباد کے علاقے سیکٹر جی نائن میں موجود ہیں جن کی اگلی منزل ڈی چوک ہے۔ اسلام آباد میں امن و امان کی خراب صورتِ حال کے باعث منگل کو بھی تعلیمی ادارے بند ہیں ، سابق وزیرِ اعظم عمران خان کی اہلیہ بشریٰ بی بی کی قیادت میں پی ٹی آئی کارکنان ریڈ زون کی طرف بڑھ رہے ہیں۔ مظاہرین کا مطالبہ ہے کہ عمران خان کو فوری رہا کیا جائے اور وہ پارٹی کے بانی کی رہائی تک ڈی چوک میں رہیں گے
راولپنڈی اسلام آباد سڑکوں کی بندش کی صورت حال
1. مری روڈ: صدر سے فیض آباد تک مختلف مقامات پر بند، جن میں صدر، مریڑ چوک، لیاقت باغ، کمیٹی چوک، ناز سنیما، اور ملحقہ گلیاں شامل ہیں۔
2. شمس آباد: بند۔
3. فیض آباد: مکمل بند، ایکسپریس وے کے داخلی و خارجی راستے بھی بند ہیں۔
4. آئی جے پی روڈ سے ایکسپریس وے: بند۔
5. کھنہ پل: بند۔
6. شکرپڑیاں سے آئی 8: بند۔
7. سرینگر ہائی وے: زیرو پوائنٹ چیک پوسٹ پر دونوں سمتوں سے بند، ایکسپریس وے کی طرف جانے والا راستہ بھی بند۔
8. ریڈ زون تک رسائی: ریڈ زون کی تمام داخلی سڑکیں بند۔
9. ایران ایونیو اور مارگلہ روڈ: بند۔
10. 26 نمبر اور گولڑہ موڑ: بند۔
11. بھارہ کہو سے اسلام آباد: دونوں سمتوں سے بند، بائی پاس سمیت۔
12. پشاور موڑ فلائی اوور: بند۔
13. ٹی چوک: بند۔
14. ٹیکسلا سے اسلام آباد کے راستے: مکمل طور پر بند، جس میں پھاٹک ریلوے ٹریک اور آہتہ پل شامل ہیں۔
15. ترنول پھاٹک: بند۔
ٹریفک پولیس کی جانب سے کہا گیا ہے کہ براہ کرم سفر کی منصوبہ بندی احتیاط سے کریں اور صورتحال کے معمول پر آنے تک غیر ضروری نقل و حرکت سے گریز کریں
دوسری جانب ، پی ٹی آئی احتجاج اور ریڈ زون میں رستوں کی بندش کے باعث عدالتوں میں کیسز التواء کا شکار ہو گئے،چیف جسٹس اسلام آباد ہائیکورٹ جسٹس عامر فاروق آج بھی دستیاب نہیں ہونگے انکی کاز لسٹ چیف جسٹس نے عمران خان کا خواجہ آصف کے خلاف دس ارب ہرجانہ کیس کی سماعت کرنا تھی،سیشن کورٹ کے فیصلے کے کو بانی پی ٹی آئی نے چیلنج کر رکھا ہے۔
پی ٹی آئی احتجاج سے گرفتار ورکرز کی پیشی مشکل بن گئی،احتجاج سے گرفتار پی ٹی آئی ورکرز کو عدالتوں میں پیش کرنے میں پولیس کو مشکلات کا سامنا ، سری نگر ہائی وے ،جی ٹین اور جی نائن میں کشیدہ صورتحال کے باعث ملزمان کو تاحال عدالتوں میں پیش نہ کیا جا سکا ۔عدالتوں کے باہر بھی سیکورٹی سخت کی گئی ہے،
بشریٰ بی بی ریڈ زون روانہ،وفاقی دارالحکومت میں فوج طلب
میں جیل میں،اب فیصلے بشریٰ کریں گی،عمران خان کے پیغام سے پارٹی رہنما پریشان
پی ٹی آئی احتجاج، بشریٰ کا مشن کامیاب، سیاست میں باضابطہ انٹری،علیمہ "آؤٹ”
عوام نے 24 نومبر کی کال مسترد کر دی، شرجیل میمن
پی ٹی آئی کا سوشل میڈیا بھی "وڑ”گیا
عمران خان کی جانب سے "فائنل کال” پنجاب میں "مس کال” بن گئی
پی ٹی آئی احتجاج،خیبر پختونخوا سے 12 سو سے زائد چھوٹی بڑی گاڑیاں،شرکا کی تعداد
