وزیراعلیٰ خیبرپختونخوا کی حلف برداری سے قبل پاکستان تحریک انصاف (پی ٹی آئی) کی وزیراعلیٰ ہاؤس میں اہم بیٹھک جاری ہے، جس میں صوبائی کابینہ کی تشکیل پر تفصیلی مشاورت ہو رہی ہے۔
ذرائع کے مطابق نئی کابینہ میں زیادہ تر پرانے وزرا، مشیران اور معاونین خصوصی کو برقرار رکھنے کا امکان ہے، تاہم کچھ نئے اور اہم چہروں کو بھی شامل کیا جائے گا۔ذرائع نے بتایا کہ پارٹی کے اندر علی امین گنڈاپور کے مخالف گروپ کے ارکان بھی وزارتوں کے حصول کے لیے سرگرم ہیں۔مزید بتایا گیا کہ نومنتخب وزیراعلیٰ سہیل آفریدی کو کابینہ میں ردوبدل کا مکمل اختیار دیا گیا ہے، جب کہ چیئرمین پی ٹی آئی عمران خان نے مزمل اسلم کو مشیر خزانہ مقرر کرنے کے علاوہ باقی تمام اختیارات سہیل آفریدی کو سونپ دیے ہیں۔
ذرائع کے مطابق علی امین گنڈاپور نے ماضی میں شہرام ترکئی اور اسد قیصر کے بھائیوں کو کابینہ سے فارغ کیا تھا، تاہم سہیل آفریدی کے انتخاب کے بعد شہرام ترکئی اور عاطف خان نے دوبارہ وزیراعلیٰ ہاؤس میں اپنی سرگرمیاں تیز کر دی ہیں۔
ڈیرہ غازی خان: بارڈر ملٹری پولیس کی کارروائی، 34 کلو چرس برآمد، سمگلنگ کی کوشش ناکام
