تحریک انصاف کے رہنما ،شیر افضل مروت نے کہا ہے کہ چیف جسٹس کی پی ٹی آئی وکلا اور مقدمات میں جو کمنٹ ہیں وہ انصاف کے مطابق نہیں،
شیر افضل مروت کا کہنا تھا کہ پی ٹی آئی کے کاغذات جو مسترد ہوئے،وہ سپریم کورٹ کو نظر نہیں آ رہا، ملک بھر میں تجویز کنندہ اغوا ہو رہے ہیں اور چیف جسٹس صاحب سمجھ آ رہے ہیں کہ ملک میں امن ہے، پہلی بار تحریک انصاف چیف جسٹس کے اس کنڈکٹ کو انتہائی نامناسب سمجھتی ہے،اگر ہمیں کوئی انصاف نہیں دے سکتا تو ہماری توہین نہ کی جائے، ہمارا مذاق نہ اڑایا جائے،سپریم کورٹ کو علم ہے کہ ہر دور میں لوگ اغوا ہوئے، سپریم کورٹ عوام کے حق کو تحفظ دینے میں ناکام رہی ہے، پی ٹی آئی سمجھتی ہے کہ ہمارے دور میں جو ریفرنس چیف جسٹس کے خلاف دائر کیا گیا تھا، شاید چیف جسٹس دل سے اسے نکال نہیں سکے، اس وجہ سے انکے کمنٹس آتے ہیں، نواز شریف کی نااہلی ختم کرنے پر بینچ بن گیا، عمران خان کے لئے نہیں، انصاف کا تقاضا ہوتا کہ عمران خان کے لئے بھی بینچ بن جاتا، ہمارے مقدمات تاخیر کا شکار ہیں، پی ٹی آئی سمجھتی ہے کہ چیف جسٹس قاضی فائز عیسیٰ کے ہوتے ہوئے ہمیں انصاف نہیں ملنے والا،پورا نظام ہمارے خلاف لگا ہوا ہے،ایسے میں عدل سے وابستہ اداروں سے ہماری تضحیک، کیسوںکا نظر انداز ہونا، یہ کسی جج کے کنڈکٹ کے شایان شان نہیں.ہماری تضحیک کرنے سے باز آجائیں، کوئی حق نہیں کہ ہمیں نشانہ ستم بنائیں، عمران خان نے اس پر ناراضگی کا اظہار کیا ہے،عمیر نیازی کو جونوٹس بھیجا گیا وہ دیکھ لیں، آر او کو کٹہرے میں کرنے کی بجائے عمیر نیازی کو نوٹس بھیجا گیا، الیکشن کمیشن ،آئی جی سےباز پرس نہیں کی گئی، تجویز، تائید کنندہ اغوا ہو رہے ہیں،یہ کیسی لیول پلینگ فیلڈ ہے،
جےیو آئی شیرانی کے ساتھ سیٹ جسٹمنٹ ہو گی،شیر افضل مروت
شیر افضل مروت کا کہناتھا کہ عمران خان نے جے یو آئی شیرانی کے ساتھ الائنس کی منظوری دے دی ہے، دو رکنی کمیٹی بنا دی ہے، جو الائنس پر کام کرے گی، جے یو آئی شیرانی کے ساتھ سیٹ ایڈجسٹمنٹ ہو گی، عمران خان نے ہدایت کی ہے کہ سپریم کورٹ میں جو ہمارے مقدمات ہیں، انکی سماعت کے لئے پٹیشن دائر ہونی چاہئے،ہم نے قاضی فائز عیسیٰ کے چیف جسٹس بننے پر خیر مقدم کیا تھا لیکن اب سمجھ رہے ہیں کہ وہ ہمارے ساتھ انصاف نہیں کر رہے بلکہ ہمارا مذاق اڑا رہے ہیں،توہین کوئی برداشت نہیں کر سکتا،سپریم کورٹ سے ہمیں انتظامی طور پر کوئی ریلیف نہیں ملا،
ن لیگ کے محسن رانجھا نے پی ٹی آئی والوں پر پرچہ کٹوا دیا .
نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں
عام انتخابات کے دن قریب آئے تو تحریک انصاف کی مشکلات میں اضافہ
