پی ٹی آئی کا نام سُنتے ہی الیکشن کمیشن تلملانا شروع کردیتا ہے،کنول شوذب

سنی اتحاد کونسل کی مخصوص نشستوں کے کیس کی سماعت کے بعد تحریک انصاف کے رہنماؤں نے سپریم کورٹ کے باہر میڈیا سے بات چیت کی ہے اور کہا ہے عدالت میں کیس تاخیر کا شکار کیا جا رہا، الیکشن کمیشن کے رویئے کی مکمل تحقیقات ہونی چاہئے.

تحریک انصاف کے رہنما شبلی فراز نے کہا ہے کہ مخصوص نشستوں کے کیس کو مزید لمبا کرنے پر تشویش ہے، عدم استحکام مزید بڑھے گا،اور جب تک پارلیمان میں وہ لوگ نہیں آئیں گے جن کو عوام نے بھیجا پارلیمان کی اخلاقی حیثیت نہیں ہو گی، فارم 47 والے عوام کی نمائندگی نہیں کرتے، بجٹ میں دیکھ لیا کہ عوام پر کتنے ٹیکس مسلط کئے گئے

اٹارنی جنرل کےمنہ سے الفاظ نہیں نکل رہے تھے، کانپیں ٹانگ رہی تھیں، فردو س شمیم نقوی
فردوس شمیم نقوی کا کہنا تھا کہ اٹارنی جنرل کےمنہ سے الفاظ نہیں نکل رہے تھے، کانپیں ٹانگ رہی تھیں، جب کانپیں ٹانگنے لگیں تو میری بہن کا جو کیس ہے وہ خود بیان کرے گی، عدالت میں واضح مثال دی گئی کہ جے یو آئی کی صفر سیٹ پھر بھی انکو سیٹ دی گئی،

تحریک انصاف کی رہنما کنول شوذب کا کہنا تھا کہ پی ٹی آئی کا نام سُنتے ہی الیکشن کمیشن تلملانا شروع کردیتا ہے، آپ آنکھوں پر پٹی نہیں باندھ سکتے، 13 جنوری پر واپس جائیں اور دیکھیں اُس کے بعد الیکشن کمیشن کا کیا رویہ تھا، آپکو دیکھنا پڑے گا، کس طرح الیکشن کمیشن نے امیدواروں کے ساتھ سلوک کیا، عامر ڈوگر کھڑے ہیں سب نے تین چار چار فارم جمع کروائے، یہ ایک فارم عدالت اٹھا لائے، آر او کے آفس کے باہر ڈالے کھڑے کئے گئے تھے، ہمیں سکروٹنی نہیں کرنے دی گئی،ہمارے امیدواروں کو اٹھایا گیا، الیکشن والے دن فسطائیت برپا کی گئی، اس سب کو دیکھیں ،یہ عدالت نہیں انسانی حقوق پر نظر نہیں ڈالے گی تو کون دیکھے گا،الیکشن کمیشن ایک نیوٹرل ادارہ ہونا چاہئے،آئینی ادارہ ہونا چاہئے، لیکن یہاں الیکشن کمیشن کا رویہ کچھ اور ہے ، اس الیکشن کی انکوائری ہونی چاہئے کہ کیا کچھ ہوا.

تعصب پر مبنی فیصلہ کرکے ہم سے بلا نہ چھینا جاتا تو آئین و قانون کیساتھ کھلواڑ نہ ہوتا،ملک عامر ڈوگر
تحریک انصاف کے رہنما ملک عامر ڈوگر کا کہنا تھا کہ مُلک میں سیاسی، آئینی و معاشی بحران کی ذمہ دار سُپریم کورٹ ہے، اگر تعصب پر مبنی فیصلہ کرکے ہم سے بلا نہ چھینا جاتا تو آئین و قانون کیساتھ کھلواڑ نہ ہوتا،مخصوص نشستوں کا کیس ایک دن کا کیس ہے، مجھے امید ہے کہ سپریم کورٹ ہمیں انصاف دے گی، کیس ضروری طور پر تاخیر کا شکار کیا جا رہا ہے، قوم کا وقت ضائع کیا جا رہا ہے، آئین و قانون کی دھجیاں اڑائی جا رہی ہیں، نامکمل پارلیمنٹ نے عوام دشمن بجٹ پیش کیا،

عزم استحکام معیشت کی مضبوطی کا ضامن۔تجزیہ، شہزاد قریشی

سکیورٹی ذرائع کے مطابق عزم استحکام آپریشن کا غلط تاثر لیا گیا

معاشی مشکلات کی وجہ سے آپریشن عزم استحکام کا فیصلہ کیا گیا ہے، خواجہ آصف

وفاقی کابینہ اجلاس میں آپریشن عزم استحکام کی منظوری

آپریشن عزم استحکام کا مقصد کیا؟ وزیراعظم آفس سے اعلامیہ جاری

آپریشن عزم استحکام کی مخالفت کر کے کیا پی ٹی آئی ملک دشمن قوتوں کی حمایت کر رہی ہے؟ شیری رحمان

ماضی کے جتنے آپریشن ہوئےانکے نتائج تو سامنے رکھیں،مولانا فضل الرحمان

ایپکس کمیٹی میں ایک نام عزم استحکام آیا لیکن آپریشن کا ذکر نہیں تھا،وزیراعلیٰ خیبرپختونخواہ

آپریشن عزم استحکام،کامیابی کیلئے اتحاد ضروری،تجزیہ: شہزاد قریشی