سابق چیف جسٹس قاضی فائز عیسیٰ کی برطانیہ کی قانونی درسگاہ مڈل ٹیمپل سے روانگی کے وقت پی ٹی آئی کارکنوں نے قاضی فائز اور پاکستانی ہائی کمشن کی گاڑی پر حملہ کردیا۔
باغی ٹی وی : لندن میں تقریب کے بعد قاضی فائزعیسی اپنی اہلیہ کے ہمراہ نکلے تو ادارے کے باہر احتجاج کے لئے آئے، پی ٹی آئی کارکنوں نے ان کی گاڑی روکنے اور اس کے شیشے توڑنے کی کوشش کی گئی، پی ٹی آئی کارکنوں نے پاکستانی ہائی کمیشن کی گاڑی پرحملہ کیا،جس کی ویڈیوز سوشل میڈیا پر وائرل ہو گئی ہیں،مختلف سوشل میڈیا پلیٹ فارمز پر شیئر کی جانے والی ویڈیوز میں دیکھا جا سکتا ہے کہ سابق چیف جسٹس قاضی فائز عیسیٰ اپنی اہلیہ کے ساتھ مڈل ٹیمپل سے ایک سیاہ گاڑی میں روانہ ہو رہے تھے کہ پی ٹی آئی کے کارکنان نے ہنگامہ شروع کر دیا۔ انہوں نے سابق چیف جسٹس قاضی فائز عیسیٰ کی گاڑی پر حملہ کیا، جس کے نتیجے میں قاضی فائز عیسیٰ اور ان کی اہلیہ کو بچاؤ کرنا پڑا۔ ویڈیوز میں دیکھا جا سکتا ہے کہ کارکنان سابق چیف جسٹس کی گاڑی کو گھیرے میں لے کر نعرے بازی اور احتجاج کر رہے ہیں،اس موقع پر پی ٹی آئی رہنماؤں ملیکہ بخاری، ذلفی بخاری، اظہر مشوانی اور دیگر نے مظاہرین سے خطاب بھی کیا۔
قاضی فائز عیسیٰ مڈل ٹیمپل میں” بینچر”منتخب،پی ٹی آئی کا ادارے کے باہر احتجاج
لندن میں سابق چیف جسٹس پر حملہ کرنے والوں کے خلاف وزیر داخلہ کا کاروائی کاحکم
وفاقی وزیرداخلہ محسن نقوی نے لندن میں سابق چیف جسٹس قاضی فائزعیسیٰ پر حملے کو افسوسناک واقعہ قرار دیا اور شدید الفاظ میں مذمت کی، ساتھ ہی انہوں نے نادراکوحملہ آوروں کی شناخت کے لئے فوری اقدامات کا حکم دے دیا وزیر داخلہ محسن نقوی نے کہا کہ فوٹیجزکےذریعے حملہ آوروں کی نشاندہی کی جائے، حملہ آوروں کیخلاف قانونی کارروائی کی جائے گی، پاکستان میں ایف آئی آردرج کرکے مزید کارروائی کی جائے گی۔حملہ آوروں کے شناختی کارڈ بلاک اورپاسپورٹ منسوخ کئے جائیں گے، حملہ آوروں کی شہریت منسوخ کرنے کیلئے فوری کارروائی کی جائے گی، شہریت منسوخی کا کیس منظوری کے لئے کابینہ بھیجا جائے گا،کسی کوبھی اس طرح کے حملے کی اجازت نہیں دی جا سکتی۔
