پاکستان تحریک انصاف کی خواتین ایم پی ایز کے پی ڈی ایم کے صدر مولانا فضل الرحمان کےخلاف خیبرپختونخوا کمیشن برائے وقار نسواں کو خط لکھنے پر جے یو آئی کی جانب سے ردعمل سامنے آیا ہے-

باغی ٹی وی : ترجمان جے یو آئی اسلم غوری کا کہنا ہے کہ پی ٹی آئی خواتین کو مولانا فضل الرحمان کے خلاف خط لکھنے کی بجائے ان کا شکر گزار ہونا چاہیے عمران نیازی کی گزشتہ روز کی آڈیو لیک کے بعد خواتین کو پی ٹی آئی چھوڑ دینی چاہئے ۔

پی ٹی آئی کی خواتین ایم پیز کا مولانا فضل الرحمان کیخلاف کے پی کمیشن برائے وقار نسواں کو خط

ترجمان جے یو آئی نے کہا کہ خواتین کو جے یو آئی میں شمولیت کی دعوت دیتے ہیں ،عمران نیازی جیسے مغربی تہذیب کے دلداہ شخص کے پاس خواتین کی ناموس مزاق کےعلاوہ کچھ نہیں ۔

اسلم غوری نے کہا کہ خط لکھنے والی خواتین کو اچھی طرح علم ہے کہ پی ٹی آئی جلسوں میں خواتین کے ساتھ کیا سلوک کیا جاتا ہےمولانا فضل الرحمان کو نیازی کے جلسوں سے تربیت یافتہ کارکنوں کی گندی ذہنیت قوم کے سامنے آشکار کرنے کیلئے بات کرنا پڑی ۔

اے این ایف کی کاروائیاں: دوحہ،قطر اور سعودی عرب منشیات اسمگل کرنے کی کوشش ناکام…

انہوں نے کہا کہ عمران نیازی کی گندگی بارے بات کرتے ہوئے یہ سب کچھ کہنا ضروری تھانیازی اخلاق اور اقدار سے عاری ،ذہنی مریض ہے نیازی کا ایجنڈا ہی ملک پر بے حیائی اور فحاشی کو مسلط کرنا ہے ۔