گوجرانوالہ میں 2019ء کے قتل کیس میں اہم پیشرفت ہوئی ہے، ملزم نے پی ٹی آئی ایم این اے نثارجٹ پر قتل میں ملوث ہونے کا الزام لگا دیا۔
قتل کے مقدمے میں زیر حراست ملزم کا عدالت میں 164 کا بیان ریکارڈ کرلیا گیا، ملزم نے پی ٹی آئی رکن قومی اسمبلی نثار جٹ پر ملوث ہونے کا الزام لگا دیا۔ملزم زوہیب نے کمالیہ میں مجسٹریٹ کی عدالت میں 164 کے تحت بیان ریکارڈ کرادیا، جس میں کہا گیا ہے کہ بلال کو قتل کرنے کے بعد لاش ٹھکانے لگانے کیلئے نثار جٹ نے 50 ہزار روپے دیئے۔ملزم کا کہنا ہے کہ ایم این اے نثار جٹ نے مجھے گاڑی دلائی جو بعد میں واپس لے لی، نثار جٹ نے گوجرانوالہ میں بلال چیمہ کو پکڑوانے کیلئے پہلے 25 ہزار روپے دئیے،رپورٹ کے مطابق ملزم اور اس کے ساتھیوں نے 2019ء میں گوجرانوالہ میں بلال چیمہ کو قتل کرکے لاش کمالیہ کے علاقے میں نہر میں پھینکی تھی۔
