پاکستان تحریک انصاف (پی ٹی آئی) نے پارلیمنٹ کے مشترکہ اجلاس کا بائیکاٹ کر دیا۔
باغی ٹی وی: پارلیمنٹ کا مشترکہ اجلاس اسپیکر قومی اسمبلی راجہ پرویز اشرف کی زیر صدارت ہو رہا ہے جس کے ایجنڈے میں ملک میں دہشتگردی کی حالیہ لہر، پاکستان کی معاشی صورتحال، کشمیریوں سے اظہار یکجہتی اور ترکیے اور شام میں آنے والا زلزلہ ہے۔
پی آئی اے اور سول ایوی ایشن کے سربراہان کو فوری عہدوں سے ہٹانے کی ہدایت
اجلاس میں کشمیری عوام سے اظہاریکجہتی کیلئے قراردادپیش کی گئی مرتضیٰ جاوید عباسی نے کہا کہ کشمیر یوں کی قربانیوں کو خراج تحسین پیش کرتے ہیں،کشمیری 75سال سے بھارتی بربریت کاشکار ہیں-
اسپیکرقومی اسمبلی راجہ پرویزاشرف نے کہا کہ ترکیہ اور شام میں ہولناک زلزلہ سے ہزاروں افرادجاں بحق ہوئے،ترکیہ نے ہمیشہ مشکل وقت میں ہمارا ساتھ دیا ہے، دکھ کی اس گھڑی میں اپنے برادر ممالک کے ساتھ ہیں مشترکہ اجلاس میں ترکیہ اور شام میں زلزلہ سے جاں بحق ہونے والے افراد کیلئے فاتحہ خوانی کی گئی-
وزیراعظم شہباز شریف پارلیمنٹ کے مشترکہ اجلاس سے خطاب کریں گے جبکہ اجلاس میں آزاد جموں و کشمیر کے وزیراعظم سردار تنویر الیاس بھی شریک ہیں۔
سوشل میڈیا پروائرل زلزلے سے متعلق پیشگوئیوں کی کوئی سائنسی بنیاد نہیں،ڈائریکٹر…
جبکہ مشترکہ اجلاس میں سینیٹ اور اسمبلی کے دونوں ایوانوں کا مشترکہ کورم بھی پورانہ ہوسکاپارلیمنٹ کے مشترکہ اجلاس میں کورم کی تعداد 111بنتی ہے،قومی اسمبلی کا کورم 86اورسینیٹ کا 25بنتا ہے-
وزیر ریلوے خواجہ سعد رفیق اورشاہدخاقان عباسی مشترکہ اجلاس میں شریک نہیں ہوئے،پارلیمنٹ کے مشترکہ اجلاس میں آصف زرداری،بلاول بھٹواورخواجہ آصف شریک نہیں ہوئے جبکہ وزیر اعظم شہبازشریف بھی پارلیمنٹ کے مشترکہ اجلاس میں شریک نہیں ہیں-
دوسری جانب پاکستان تحریک انصاف نے پارلیمنٹ کے مشترکہ اجلاس میں شرکت نہ کرنے کا فیصلہ کیا ہے ذرائع کے مطابق پی ٹی آئی کے اراکین چیئر مین عمران خان کی ہدایت پر پارلیمنٹ کے مشترکہ اجلاس میں شرکت نہیں کر رہے ہیں۔
یاد رہے کہ اس سے قبل پاکستان تحریک انصاف نے پشاور پولیس لائنز میں ہونے والے خود کش دھماکے کے بعد وزیراعظم شہباز شریف کی زیر صدارت ہونے والے ایپکس کمیٹی کے اجلاس میں بھی شرکت سے انکار کر دیا تھا۔