مسلم لیگ ن نے مخصوص نشستوں متعلق نظر ثانی کیس میں اضافی گزارشات سپریم کورٹ میں جمع کرادیں
ن لیگ کی جانب سے سپریم کورٹ میں درخواست میں کہا گیا ہے کہ 12جولائی کے فیصلےمیں آرٹیکل 187 کا اختیار طے شدہ عدالت رولز کے منافی استعمال ہوا،آرٹیکل 187 مکمل انصاف کا اختیار زیر التواء مقدمات میں استعمال ہو سکتا ہے.مخصوص نشستوں کے کیس میں آرٹیکل 187 کا استعمال عدالتی اصولوں کے منافی ہے، سنی اتحاد کونسل نے 80 ارکان کے ساتھ مخصوص نشستوں کیلئے اپیل دائر کی،اپیل پر فیصلےسے سنی اتحاد کونسل کے پاس زیرو ارکان ر ہ گئے،12جولائی کے فیصلہ نے سنی اتحاد کونسل سے ان کےاپنے ارکان بھی واپس لے لیے،آرٹیکل 187 کا اختیار لامحدود نہیں ہے، جب نکات پر فیصلہ دیا گیا وہ کبھی عدالت کے ریکارڈ پر نہیں تھے،سنی اتحاد کونسل کے 80 ارکان میں کوئی عدالت روبرو پیش نہیں ہوا،سنی اتحاد کونسل اور تحریک انصاف کو ایک پارٹی نہیں سمجھا جا سکتا،12جولائی کے فیصلہ پر نظر ثانی کی جائے ،
