پی ٹی آئی کے سابق ایم پی اے کی جے یوآئی میں شمولیت

ڈی آئی خان: پاکستان تحریک انصاف(پی ٹی آئی) کے سابق رکن صوبائی اسمبلی آغاز گنڈاپور نے جمعیت علماء اسلام (جے یو آئی ) میں شمولیت کا اعلان کر دیا۔

باغی ٹی وی : ڈیرہ اسماعیل میں اس حوالے سے پریس کانفرنس میں مولانا فضل الرحمان نے کہا کہ سابق ایم پی اے آغاز خان گنڈا پور جمعیت علمائے اسلام کے ٹکٹ پر الیکشن لڑیں گے، آغاز علی گنڈا پور کی پارٹی میں شمولیت علاقے کی پسماندگی دور کرنے میں مددگار ثابت ہو گی، ہم انہیں تہہ دل سے خوش آمدید کہتے ہیں۔

اس موقع پر سابق ایم پی اے آغاز گنڈا پورکا کہنا تھا کہ ہمارا مولانا فضل الرحمان کے خاندان سے دادا سردار عنایت اللہ گنڈاپور کے دور سے تعلق ہے ، ہر مشکل گھڑی میں مولانا نے میرے والد سردار اکرام خان گنڈہ پور کا ساتھ دیا ، سیٹ جیت کر جمعیت علمائے اسلام کو تحفے میں دوں گا، ہم پورا خیبر پختونخوا کلین سویپ کریں گے۔

مولانا فضل الرحمان کا الیکشن میں تاخیر کا مطالبہ

واضح رہے کہ دوسری جانب پاکستان مسلم لیگ ن کے رہنما اور سابق صوبائی وزیر عبدالغفور میونے پیپلز پارٹی میں شمولیت کا فیصلہ کیا ہے،چیئرمین پاکستان پیپلز پارٹی بلاول بھٹو زرداری 3جنوری کو جاتی امرامیں سابق صوبائی وزیر جیل خانہ جات چودھری عبدالغفور میو کے فارم ہاؤس پر دن ایک بجے جلسہ عام سے خطاب کریں گےجس میں چوہدری عبد الغفور میو جلسہ عام میں پارٹی میں باقاعدہ شمولیت کا اعلان کریں گے ۔

پی پی پی نے مسلم لیگ ن کی لاہور سے بڑی وکٹ گرا دی