میرپورخاص،باغی ٹی وی( نامہ نگار سید شاہزیب شاہ) پاکستان تحریک انصاف کے وفد نے ڈویژنل صدر آفتاب قریشی کی قیادت میں ڈسٹرکٹ بار ایسوسی ایشن کے نومنتخب عہدیداران کو مبارکباد دی۔
وفد میں سندھ نائب صدر راجہ عبدالحق، ڈویژنل ایڈیشنل جنرل سیکرٹری ایڈووکیٹ اعجاز احمد رندھاوا، ڈویژنل نائب صدر محمد علی راجپوت، ڈسٹرکٹ جنرل سیکرٹری ڈاکٹر اسلم قائمخانی، ڈسٹرکٹ سینئر نائب صدر ملک لیاقت، اور ڈویژنل انفارمیشن سیکرٹری عنایت مری شامل تھے۔
وفد نے ڈسٹرکٹ بار کے صدر ایڈووکیٹ افضل کریم، جنرل سیکرٹری ایڈووکیٹ میر علی بخش ٹالپر، ٹریژرار ایڈووکیٹ محمد علی جانی مری، لائبریری سیکرٹری ایڈووکیٹ کاشف پھوڑ، اور منیجمنٹ کمیٹی کے ممبران ایڈووکیٹ محسن میمن، فرحان قریشی، اور وقار ملک کو مبارکباد پیش کی۔ اس موقع پر پھولوں کے ہار پہنائے گئے اور مٹھائی تقسیم کی گئی۔
پاکستان تحریک انصاف کے رہنماؤں نے کہا کہ وکلاء برادری قانون کی بالادستی اور انصاف کی فراہمی میں بنیادی کردار ادا کرتی ہے۔ پارٹی ان کے مسائل کے حل کے لیے ہر ممکن تعاون فراہم کرے گی اور ان کے ساتھ قریبی تعلقات کو فروغ دینے کی کوشش جاری رکھے گی۔
وکلاء برادری نے تحریک انصاف کے وفد کا شکریہ ادا کرتے ہوئے ان کی کاوشوں کو سراہا۔ اس ملاقات نے تحریک انصاف اور وکلاء برادری کے درمیان تعلقات کو مزید مضبوط کیا۔ اس موقع پر وکلاء اور پارٹی کارکنوں کی بڑی تعداد موجود تھی، جس نے اس تقریب کو مزید پرجوش بنا دیا۔
