وزیر اعلیٰ مریم نواز شریف کی زیرِ صدارت پنجاب کابینہ کا 29واں اجلاس ہوا
سیلاب متاثرین کو 17 اکتوبر سے امدادی رقوم کے چیک کی تقسیم شروع کرنے کی منظوری دی گئی،صوبائی کابینہ نے سیلاب متاثرین کے لئے حتمی امدادی پیکج کی بھی منظوری دے دی،جاں بحق فرد کے لواحقین کو 10 لاکھ، مستقل معذوری پر 5 لاکھ اور معمولی معذوری پر 3 لاکھ دیا جائے گا،پکا گھر مکمل گرنے پر 10 لاکھ، جزوی طور پر گرنے پر 3 لاکھ، کچا گھر مکمل گرنے پر 5 لاکھ اور جزوی طور پر گرنے پر 1.5لاکھ تک امداد دی جائے گی،بڑے مویشی پر پانچ لاکھ تک اور چھوٹے جانوروں کے مرنے پر 50 ہزار روپے دئیے جائیں گے،سیلاب کے دوران 25 فیصد فصل کے نقصان پر 20 ہزار فی ایکڑ دینے کا اصولی فیصلہ کیا گیا،پنجاب کے 2855 مواضعات میں آبیانہ اور ایگریکلچر انکم ٹیکس کی معاف کرنے کا اصولی فیصلہ کیا گیا
